ایلکینجی «ایرانینگ ال هالیسینی ساتوو» سرگی هم فستیوالی اسفند آیی‌نینگ ۱۵-نجی گۆنی آچیلیش داباراسی بیلن گۆرگن شهرینده ایشه باشلادی.

بو فستیوال ایران هالیسی ملی مرکزی هم-ده یوردونگ ال هالی تعاونیلری‌نینگ بیله‌له‌شیگی آرقالی و گلستان ولایتی‌نینگ سؤودا قوراماسی‌نینگ حیذمتداشلیغی بیلن گۆرگنینگ فخرالدین اسعد گرگانی سالونیندا ایشه باشلادی و اسفند آیی‌نینگ ۲۵-ینه چنلی دوام ادیأر.

هر ییل، ۲۳-۲۰ مۆنگ دؤردۆل‌متره چنلی هالی بو ولایتدا دوقالیار و اونونگ ۶-۴ مۆنگ دؤردۆل‌متری داشاری یوردا ساتیلیار. گلستان ولایتیندا دوقالیان هالیلار ایران هالیسی، هالیچا، گبه (پۆرچۆکلی هالی)، تۆرکمن هالیلاری و اولی پارچا هالیدیر. داشاری یوردا ساتیلیان هالیلارینگ کؤپۆسی تۆرکمن «تکه‌لر» اوباسینا محصوصدیر. شو واغیت، ولایت ایچینده ۳۹ هالی دوقالیان اوستاحانا ایشله‌یأر.

منبع: ت.ر.ت تورکمنچه