تۆرکمن آیدیم-سازی‌نینگ صونغاتچیلاری «ایران اسلامی انقلابی‌نینگ آیدیمچیلاری» آدینداقی ایلکینجی یورت‌ایچی فستیوالینا قاتناشدیلار.

بو دابارا، بهمن آیی‌نینگ ۲۰ و ۲۱-نجی گۆنلرینده، لرستان ولایاتی‌نینگ صونغات حوزه‌سی آرقالی خرم‌آباد شهری‌نینگ استقلال سینماسیندا گچیریلدی.

بو فستیوالا ایران فولکلوریک آیدیم-سازی صونغاتچیلاریندان ۱۱ توپار، لرستان، خوزستان، دمیر‌قازیق خراسان، رضوی خراسان، مازندران، گلستان، گۆن‌دوغار آذربایجان، فارس، کهکیلویه و بویراحمد و ... ولایات‌لاریندن قوشولیپ، ایکی گیجه‌لأپ ایرانینگ انقلابینا دگیشلی آیدیم سازلاری یانقلاندیریپدیرلار.

گلستان ولایتی‌نینگ وکیلی حؤکمۆنده بو فستیوالا قوشولان تۆرکمن آیدیم-سازی توپاریندا موسی جرجانی (باش جوغاپکأر و درنگوچی)، حالیپا عاشورگلدی گرکزی (باغشی و دوتارچی)، ارازمحمد باخوشی (باغشی و دوتارچی)، رحمان قلیچ یمودی (قیجاقچی) و سراج‌الدین باشقره (دوتارچی و باغشی) چیقیش اتدیلر.

آیتماق یرلی هوشنگ جاوید، فستیوالینگ یازمانی و لرستانینگ صونغات حوزه‌سی‌نینگ باشلیغی بارچا صونغاتچیلارینگ، شول ساندا تۆرکمن توپارینگ بو دابارا قوشولماغیندان مینّتدارلیق بیلدیریپ، اولارا قادیرلاما حاطینی قاوشیردی. بو فستیوالینگ گلجک ییللاردا-دا اؤز ایشینی دووام اتدیرمک اوچین قرارا گلینیپدیر و اونونگ مۆدیمی یازمان‌حاناسی خرم‌آباددا قورولجاقدیر.

منبع: ت.ر.ت تورکمنچه