تۆركمن‌صحرالی یازیجی عبدالصالح پاكینگ "یتگینجكلر اوچین ۵۵ تۆركمن ارته‌كی" كتابی سلام آدینداقی اون اۆچۆنجی اۆلكه‌ایچی فستیوالیندا سایلاندی و قادیرلاندی.

بو فستیوالدا سایلانان اثرلر دستان یازما، دستان ترجیمه‌سی، دینی دستان، آیراتین دستان بؤلۆمی، قوشغی و صوراتكِشلیک توپارلاریندا ایغلان ادیلیپدیر.

«۵۵ تۆركمن ارته‌كی» كتابی بو تۆركمن یازیجی‌نینگ اون یدینجی اثری بولوپ، ۱۳۸۸-نجی ییلدا قدیانی نشریاتی تاراپیندان چاپ ادیلیپدیر. عبدالصالح پاك ارته‌كی‌لر سِریسی دۆزۆمینده بو ییغیندیدان اوزال، اۆچ جلدی اؤز اثرلرینه حاصلاپدی: قیرق یالان، آغاچدان قیز و تۆركمن‌صحرا ارته‌كیلری.

چاغالارا حاصلانان «كیهان بچه‌ها» نشریه‌سی‌نینگ قیسغا دستان اوغروندا بللی یازیجیسی بولان عبدالصالح پاك، شو واغتا چنلی انچمه رُمان و قیسغا دستانی پارس دیلینده چاپا قووشیریپ، ایران تۆركمنلرینی و اولارینگ ادبیاتینی تانیتماق اوغروندا تاغاللا ادیار.

آیتماق یرلی، «سلام» آدینداقی كتاب فستیوالی هر ییلدا «سلام بچه‌ها» نشریه‌سی تاراپیندان یولا قویولیار. اونونگ بو ییلقی داباراسی تهراندا آذر آییندا گچیریلیپدی.