یالان هایسئ چئن هایسئ بیلمزدیم
عئلئم باغئندان میوه یوُلمازدئم
گیجه دن،یاغتئ یوُلا گلمزدیم
یوُلوما چئرا بوُلدونگ موغاللئم

پریشته سن هم عاقئللی دانا
سؤزوٌنگ اوُوازلئ کشبینگ نورانا
بیلبیل لر سایرار باقسانگ هر یانا
الله دان ائلخام آلدئنگ موغاللئم

هایباتلئ سن داغ یالی دوروشئنگ
عاجایئپ ائلخام بریأر یؤره شینگ
آلتئن دان غئممات،ادپ بری شینگ
بالا لار گولسه،گولدونگ موغاللئم

چئقان دئر سندن طبیپ لوقمان لار
عالئم لار دؤرأپ ایمان یاقمان لار
قاضئ لار پولا اؤزون ساتمان لار
ایمان اؤیونی سالدئنگ موغاللئم

امینه دییِر یولونگئز آق دئر
عاقئل سئزلاره سؤزونگیز اوُق دور
عئلمئنگ اورنونا یتجگی یوُق دور
بِییک اورنونا غالدئنگ موغاللئم

“امینه طریک”