نأمه سن ؟
يا رب سنينگ صئفاتئنگي بيلمه نم ملك مي سن ائنسان مي سن نأمه سن ؟
بللي منزل مكانئنگئ بيلمه نم ظاهئر مي سن پنهان مي سن نأمه سن ؟
غولاق سئز سامع سن عين سيز بصر حؤكمينگ روُوان عألم ايچره سر بسر
رحـيــم لوطفئنگ جان تاپانا برابر چئراغ مي سن نوران مي سن نأمه سن؟
غودرات دان يؤرير سن پرسيز اوچار سن نه منزيله نه مكانا گؤچر سن
مونگ غودرات ديل بيلن دورلار ساچار سن گويا مي سن زبان مي سن نأمه سن ؟
هر كيمه بير نأرسه قئسمات ادر سن ايأمي دوُلان چالئپ توتار سن
عئشقئنگ گيتمز عاشئق لارئنگ شانئندان ال گؤترميش مكانئندان كأنيندن
سني سؤيگن گچر شيرين جانئندان آتئش مي سن هجران مي سن نأمه سن؟
بير شأكير من گيجه گوٌنديز شوٌكرينگده ياد ايله حئيالدا اوٌيلا پيكرينگده
خوُش طيورلار پرواز ادر ذيكرينگده يأ باغ مي سن بوُستان مي سن نأمه سن
ترسالاري غوتارماز سن عاذابدان غاچغان اوٌچين بير كلمه جوُغاب دان
كيم ديسه «لا اله.....»غارق دئر ثوُوابدان مؤمين لره ايمان مي سن مأمه سن
بير قاطرا رحمتينگ دامسا هر يرگه قئمماتي زياد دئر موٌنگ شهر زرگه
دوُغا قئل غالئپ من موٌنگ دردسرگه دأري مي سن درمان مي سن نأمه سن
مسكين غئلئچ ييغلار سانگا يته آلماز غايغئ سئز پاراغات سوٌينوٌپ ياتا آلماز
هيچ كيم سنينگ اوٌستونگ باسئپ اؤته آلماز مصحف مي سن قران مي سن نأمه سن
 
بارادير
 
اي يارانلار شوم فلكنينگ گردشي كيمسه لر گوٌلمه ين گچيپ بارادير
كيمسأنينگ ائقبالئن بلند ايله ميش كيمسه لرينگ رزقي قاچئپ بارادئر
كيم ني آياق ، كيمسه لرني سر اتميش كيمسأنينگ دؤولتين يكه خر اتميش
كيمسه لرينگ تاختين سيم وزر اتميش كيمسه لر نان تاپماي گچيپ بارادير
كيمسأنينگ كؤنگلوٌني جاي با جاي اتميش كيمني بارلي ،كيمني مانگا تاي اتميش
كيمسه لريني اغول ـ غئزا باي اتميش كيمسأنينگ چئراغي اؤچوٌپ بارادئر
كيمسه لر عؤمرينده بللي ايش توتماز كيمسه لر بللي بير قاراردا ياتماز
كيمسه لر عاشئق دئر مئرادا يتمر كيمسه لر سؤودوٌگين قوُچوُپ بارادير
گچيپ دير دوٌنيأدن انچه جمندر يوٌز ييگريمي دؤرت موٌنگ اؤتن پيغامبر
شوُنچالارني يوتوپ ياتان قاراير هنيز دوُيماي آغزئن آچئپ بارادئر
آقماق لار بو سؤزه تاپمادي دليل كيمسه لر نفس اوٌچين بوُلار لار سفيل
كيمسه لر لئيم دير، كيمسه لر باخيل كيمسه لر ساخي دئر، ساچيپ بارادير
كيمسه لر « هو» دييپ گزر حسرتده كيمسه لر شاد اوْلماز غايغي ـ كوٌلفت ده
قياماتئنگ غازان ، ياتما غافلاتدا غافئل آدام عؤمرينگ گچيپ بارادير
مسكين غيليچ ، بوُ سؤز گلدي ديل لره ديله گلدي ، بيان اتدي ايل لره
قيامات محشري اوزاق يوُل لارا
نوُبات ، نوُبات هركيم گؤچوٌپ بارادئر
 
 
گيدر
 
هر پادشاه ظالئم بوُلسا مهري شافاقاتي گيدر
اوٌلكه سينه سوٌتم قئلسا دين دياناتي گيدر
ايلين اؤزوٌنه جت ايلأر بي وجه سالغئت تؤهمت ايلأر
يوُق سؤز تاپار بير سِت ايلأر امر شريغاتي گيدر
بيرِونينگ يكه ماليندا ن زكات آلار بير پولوندان
انصافئن بررقوٌلوندان عزّت ـ حُرماتي گيدر
بللي كسيم نئرخ دا دورماز ديوان كسيپ، عادئل سوٌرمِز
پاخئرلارئنگ زادئن برمز حددن آشا غاتي گيدر
دالناماز عالئم ـ درويشي سانماني ادر هر ايشي
توتار اوُلارئنگ گؤز ياشي عُمرينگ مؤهلتي گيدر
اؤز نوكري دوشمان بوُلار يا بير يردن بلا گلر
آخئر بير بد دوُغا غالار قوُلدان دؤولت تاختي گيدر
مسكين غئلئچ ديير سردينه درمان تاپئلماز دردينه
فنادان بقا يوردونا
ايمان سئز لاغناتي گيدر