— بارئنگ، جاحانئ سِيران اِدينگ – ديييپ آيدار. اوُل پِريشده لر جاحانئ سِيران اِدِرلِر وه گۆندوُغاردان گۆنباتارا چِنلي آيلانارلار. حِر جايدا أردِن وه آيالدان مؤمين بار بوُلسا، اوُلار حاقتاغالانئنگ يادئ بيلِن اوُتۉران بوُلسالار، اوُلارا حاقتاغالانئنگ رِحمِتيني دؤکِرلِر. اِمما اوُلار کأبير کيشيلِره رِحمِتدِن دؤکمِزلِر. ياغنئ بير کيشينينگ باشغا کيشيده حاقئ بوُلسا، اوُل حاقئ زوُرلۉق بيلِن بِرمِيأن بوُلسا، يا-دا بير کيشأ جِننِت يار بوُلسا، اِمما اوُل کيشي ياتئپ اۉقلاسا، يا-دا اوُل اؤيده حارام مال بوُلسا، حِنيز توُبا اِتمِديک بوُلسا، اوُل جِماغاتلار بِيله رِحمِتدِن بينِسيپ بوُلارلار.
غادئر گيجه سيندِن سوُنگ دانگ آتاندان اوُل پِريشده لر آسمانا چئقارلار. اوُل پِريشده لردِن حاقتاغالا سوُوال اِدِر:
— اِي پِريشده لر، سيز نيرِدِن گِليأرسينگيز؟ حوُش گِلدينگيز! اوُل پِريشده لر آيدارلار:
— مۉحاممِت ائمماتئنا سِنينگ رِحمِتينگي يِتيريپ گِليأريس. اوُندا حاقتاغالا آيدار:
— اِي پِريشده لريم، سيز نأمه ايش اِتدينگيز؟ پِريشده لر آيدارلار:
— سِن داناسئنگ: سِن آيان بيليجيسينگ! بِنده لِر ينگ سِنينگ يادئنگ بيلِن بوُلدۉلار.
حاقتاغالا آيدار:
— اوُنۉنگ يالئ بوُلسا سيز گۆوأ بوُلۉنگ. مِن اوُل بِنده لِر يمينگ گۆنأسيني گِچديم. اوُلارئ ديدارئما دۉچار اِدِرين وه بِحيشدي باغئش اِدِرين –دييدي.
غادئر گيجه سي اِديلِن تاغاتئنگ سوُغابئ مۆنگ آيئنگ گيجه سينده اِديلِن تاغاتئنگ سوُغابئندان ياغشئراقدئر.
ايمام جاپار (آللا اوُندان رازئ بوُلسۉن!( رِسۉل حۉدادان روُوايات اِتدي. رِسۉل حۉدا آيتدئ:
— حِر مؤمين بِنده دؤرت رِکاغات ناماز اوُقاسا غادئر گيجه سينده حِر رِکاغاتا بير يوُلا “فاتئحا”، ييگريمي بأش يوُلا “قۉلحۉواللاحۉ آحادئ”اوُقاسا، نامازدان بوُشاندان سوُنگ يۆز يوُلا “ايستئغپار”اوُقاسا، اوُل بِنده غادئر گيجه سينينگ سوُغابئنئ تاپغاي. يِنه اوُنۉنگ اوُرازاسئنئ وه نامازئنئ قابۉل اِدِر. يِنه اوُل بِنده اۆچين بِحيشتده بير شأحِر بينا اِدِر. اوُل بِنده اوُقان حِر آياتئ وه اِدِن حِر سجده سي اۆچين بير شِحيدينگ سوُغابئنئ تاپار. اوُل بِنده شوُل غادئر گيجه سي بيلِن گِلجِککي غادئر گيجه سينينگ آراسئندا اؤلسه شِحيت بوُلار.
اِنِس بين مأليک (آللا اوُندان رازئ بوُلسۉن!( رِسۉل حۉدادان روُوايات اِتدي.
رِسۉل آلايحئسسالام آيتدئ:
— حِر مؤمين غادئر گيجه سي دؤرت رِکاغات ناماز اوُقاسا، حِر رِکاغاتدا بير يوُلا “فاتئحا”، بأش يوُلا “ايننأ اِنزِلناحۉ”، بأش يوُلا حِم “قۉلحۉواللا”، بأش يوُلا حِم “قۉل يا اِييۉحِل-کأفيرۉنئ”اوُقاسا، سوُغابئ شۉنۉنگ يالئ بوُلار:
مۆنگ حاج اِدِنينگ، مۆنگ غۉلئ آزات اِدِنينگ سوُغابئنئ وه مۆنگ يالانگاجئ گِيديرِنينگ سوُغابئنئ بِرِر. واغتئندا اوُل بِنده نامازئنئ اوُقاسا حاقتاغالادان آسمانداقئ پِريشده لره:
— اِي، پِريشده لريم، گۆوأ بوُلۉنگ، مِن اوُل ناماز اوُقان بِندأني يالقادئم. اوُل بِنده دِن رازئ بوُلدۉم– ديييپ وادا اِدِر.
رِسۉل آلايحئسسالام آيتدئ:
— آيت (بايرام) گيجه سينده حِر مؤمين دؤرت رِکاغات ناماز اوُقاسا، حِر رِکاغاتدا بير يوُلا “فاتئحا”، اۆچ يوُلا “آياتۉل کۆرسيني”اوُقاسا، حاقتاغالا يِر يۆزۆندأکي مۉسۉلمانلارئنگ، تامام اوُرازا تۉتانلارئنگ وه ناماز اوُقانلارئنگ نأحيلي مۉقداردا سوُغابئ بار بوُلسا، بۉ ناماز اوُقانلارا حِم شوُل مۉقدار سوُغاپ بِرِر.