عظیم‌بردی گؤکی اِگه‌مِن باغیش بیلن دوشوشدی
اوروپا بیله‌له‌شیگیندن جۇغاپکأر تۆرک وزیری تۆرکمن صونغات اوسسادینی قابول اتدی
تۆرکیأنینگ اوروپا بیله‌له‌شیگیندن جۇغاپکأر وزیری و تۆرکیأنینگ اوروپا بیله‌له‌شیگی بیلن بۇلان گِپله‌شیکلری‌نینگ باشلیغی اِگه‌مِن باغیش تۆرکمن حاط اوسسادی عظیم‌بردی گؤکی‌نی قابول اتدی.
دوشوشیقدا باغیش تۆرکمن صونغات اوسسادی بیلن ایستامبول‌ینگ کۆچۆک چِِکمه‌جه اترابینداقی بیر سرگیده تانیشاندیغینی آیدیپ گؤکی‌نینگ "حالقارا بیر صونغات اوسسادی" بۇلاندیغینی نیغتادی.
اوروپا بیله‌له‌شیگیندن جۇغاپکأر تۆرک وزیر "دۆنیأنینگ دؤرت بیر یانیندا اثرلری حاقیندا ماقالالار یازیلان بیر صونغات اوسسادی‌نینگ تۆرکیه‌ده بۇلماغینا بویسانیاریس" دیدی.
تۆرکیأنینگ اوروپا بیله‌له‌شیگی وزیرلیگی‌نینگ جایی‌نینگ دیوارلارینداقی صونغات اثرلری‌نینگ عظیم‌بردی گؤکی‌نینگ ایشی بۇلاندیغینی آیدان اگه‌مِن باغیش تۆرکمن اوسسادینگ صونغاتینا حایران قالیاندیغینی بیلدیردی.
بو دوشوشیقدا عظیم‌بردی گؤکی تۆرکمنلرینگ یاشاییشی بیلن دگیشلی بیر اثرینی وزیر باغیشا هدیه اتدی.
منبع: تی.آر.تی تورکمنچه
وبلاگ رسمی بنیادمختومقلی فراغی