آشغابات‌دا هیندیستان‌ینگ وِ تۆرکمنیستان‌ینگ آراسینداقی قادیمی مدنی قاتناشیقلارینا باغیشلانان “قادیمی قارینداشلیق. هیندیستان وِ تۆرکمنیستان” آتلی کیتابینگ تانیشدیریش داباراسی گچیریلدی

تۆرکمن دؤولت مدنیت اینستیتوسی‌نینگ مجلیسلر جاییندا تانیمال هیندلی یازیجیسی، سیاحاتچی وِ عالیم زنان رادها راینا وِ دؤرِه‌دیجیلیک اینستیتوسی‌نینگ طالیپلاری بیلن دوشوشیق گچیریلدی.

کیتابی یازماق پیکیری رادها راینا تۆرکمنیستانا دؤره‌دیجیلیک ساپاری بیلن گلیپ، بیزینگ یوردونگ قادیمی تاریحی بیلن تانیشاندا دؤرأپدیر.

آرکئولۇگلارینگ ماغلوماتلارینا دایانیپ، رادها راینا، باریپ حاص قادیمی دؤوۆرلرده هم تۆرکمنیستان‌ینگ وِ هیندیستان‌ینگ آراسیندا ایسنیشیقلی قاتناشیقلارینگ بۇلوپ، هیندیستان‌ینگ موهنجدار مدنیتی (بیزینگ ایّامیمیزدان اؤنگکی ۶ مۆنگ ییللیق) تۆرکمنیستان‌ینگ گۆن‌اورتاسینداقی جیتون مدنیتینه دگیشلی یرلر بیلن تیپولوژیک منگزِه‌شلیگینگ باردیغینی گؤرکِزیأر. شول بیر واغتینگ اؤزۆنده یازیجی، مدنیتینه دگیشلی زاتلاری‌نینگ مِنگزه‌شلیگی اساسیندا تأسین قالدیریان مدنیتلرینگ: "هارپا مدنیتی‌نینگ و مارگوش مدنیتی‌نینگ" آراسیندا منگزِه‌شلیکلری بلله‌دی.

هیندیستان‌ینگ وِ تۆرکمنیستان‌ینگ آراسینداقی قادیمی مدنی قاتناشیقلارینا باغیشلانان "قادیمی قارینداشلیق. هیندیستان وِ تۆرکمنیستان" آتلی کیتابینگ تانیشدیریش داباراسینا قاتناشان عیلیملار آکادمیاسی‌نینگ تاریح اینستیتوسی‌نینگ، آرکئولوژی وِ اتنوگرافیا اینستیتوسی‌نینگ عالیملاری رادها راینا اونونگ اولی ایشینده اولی اۆستۆنلیکلری آرزوو اتدیلر. هیندیستان‌دان گلن عالیم زنانانینگ وِ اونونگ کیتابی‌نینگ شانینا تۆرکمن دؤولت مدنیت اینستیتوسی‌نینگ طالیپلاری‌دان دۆزۆلن چپر هۇوِسجِنگلر توپاری چیقیش اتدی.

منبع: تی.آر.تی تورکمنچه