آتاتۆرک آدینی گؤتِریأن مدنیت مرکزی تاراپیندان قورامالاشدیریلان بو دؤرت گۆنلۆک عیلمی دابارا و ییغناقدا ۱۰۹ مقاله مدنیت، تاریخ، صونغات، دیل و ادبیات یالی مدنی میراثینگ دۆرلی موضوغلاری حاقیندا چیقیشلار ادیلدی و ماقالالار اوُقالدی.

کنگرأنینگ ایکینجی گۆنۆنده تۆرکمن‌صحرالی بارلاغچی شهروز آق‌اتابای، زینب ییلدیریم بیلن بیله‌لیکده (ایکیسی-ده آنکارا بیلیم‌یوردوندان) "ایران‌ینگ تۆرکمن‌صحرا بؤلگه‌سیندأکی تۆرکچه یر آدلاری" آتلی اورتاق مقالالاری بیلن چیقیش اتدیلر. بو مقالادا تۆرکمن‌صحرانینگ جغرافیاسیندا و ایلایتا-دا شأهِردیر اوبالاردا آد داقما تأرلری، آدلاندیریش سبأپلری و اوُلارینگ دیل هم‌ده تاریح تایدان قیمماتلیقلاری بارادا گۆررۆنگ ادیلدی.

تۆرک مدنیتی کنگره‌سی دؤرت ییلدا بیر گچیریلیأر و اوُنونگ بو گزِککی میهمانداری اسکی‌شهیر، ۲۰۱۳ ییلیندا تۆرک دۆنیأسی‌نینگ مدنی پایتختی ایغلان ادیلِه‌ندیر.

منبع: تی.آر.تی  تورکمنچه