ژاپن‌دا تۆرکمن سرگیسی قورالدی
بو یرده دۆنیأ‌نینگ ۵۰-أ قۇلای یورداندان گلن هۆنأرمنلر اؤز دؤولِتلری‌نینگ سیاحاتچیلیق مۆمکینچیلیکلرینی گؤرکِزیأرلر.
“ساتا” آدی بیلن هر ییلدا گچیریلیأن سیاحاتچیلیق سرگیسینه ایلکینجی گزِک قاتناشیان هم بولسا تۆرکمنیستان‌ینگ بؤلۆمینه برلن اۆنس اؤرأن یوُقاری بولدی.
بو اوغور بویونچا ایشله‌یأن ایری کمپانیلارینگ بیلرمنلری وِ گنگِه‌شدارلاری تۆرکمن هۆنأرمنلری بیلن بولان صؤحبتدِشلیکده سیاحاتچیلیق اوغورلاری بویونچا قیزیقلانما بیلدیریلیأن پیکیر آلیشما‌لارا بریلدیلر. دۆنیأ‌نینگ دۆرلی یورتلاری‌نینگ اؤز اولغاملاریندا تأزه اوغورلاری آچماغا هؤوِسلی هۆنأرمنلری‌نینگ قیزیقلانمالاری حاص-دا یوُقاری بولدی.
اولار میللی بؤلۆمده قویلان قیمماتلیقلاری جیکمه-جیک اؤورِنیپ، قوشماچا ماغلوماتلاری آلماق ماقصادی بیلن ایزی‌گیدرلی سئواللار بیلن یۆزلِه‌ندیلر.
آحال-تکه بِدِولرینه باغیشلانان بزِه‌گلی قوللانما‌لار، ژورناللار اولی ایسلِه‌گدن پیدالاندی. ژاپنلیلاری گینس‌ینگ رکوردلار کیتابینا گیریزیلن آشغابادینگ عجاییپلیقلاری، قادیمی مروه دگیشلی تاریحی یادیگأرلیکلر قیزیقلاندیردی.
ژاپن‌ینگ حالقی اینگ بیر جاهان‌کِشده ایلات حاساپلانیار. اولاری دۆنیأ‌نینگ دۆرلی کۆنجِکلرینده مشهور یرلرده وِ عاجاییپ کۆنجِکلِرده گؤرمِه‌ک بولیار.
بو یورتدا مکدپ اۇقووچیلاریندان باشلاپ، حۇرماتلی دینچ آلیشداقی آداملارا چنلی هممه‌لر ژاپن بویونچا سیاحاتچیلیق اتمه‌گی حالایارلار.
یری گلِنده آیتساق، بو یورتدا یاشی یۆزدِن گچن آداملارینگ سانی ۵۵ مۆنگه قۇلایلایار.
ژاپن‌دان تۆرکمنیستانا سیاحات ادیأن آداملارینگ سانی هم آز دأل. اونونگ مؤچبرلرینی آرتدیرماق اۆچین بولسا أهلی مۆمکینچیلیکلر بار. سِرگی‌نینگ ایشی‌نینگ بارشیندا شو مسئله‌لر بویونچا پیکیر آلیشما‌لار بولدی. تۆرکمنیستان‌ینگ دؤولت وِ خصوصی سیاحاتچیلیق کأرحانالاری‌نینگ وکیللری ژاپن‌ینگ سیاحاتچیلیق کمپانیلاری‌نینگ یولباشچیلاری وِ هۆنأرمنلری بیلن دوشوشیقلاری گچیردیلر.
ژاپن‌ینگ سیاحاتچیلیق آژانسلاری‌نینگ حابار بریش سریشده‌لری‌نینگ اۆستی بیلن یایرا‌دان ماغلوماتلارینا گؤرأ، ۲۰۱۳-نجی ییلینگ بیرینجی یاریمیندا ژاپنلی جاهان‌کشده‌لرینگ ۹،۷ میلیونا قولایی داشاری یورتلاردا سیاحاتدا بولوپدیرلار. گچن ییلینگ دۇوامیندا بو گؤرکزیجی ۱۸،۵ میلیون آداما قولای بولوپدیر.
شونلوقدا بو یوردونگ سیاحاتچیلیق اولغامی بارادا آیدیلاندا ژاپنا گلیأن جاهان‌کشده‌لرینگ سانی شو ییلینگ دۇوامیندا ۶ میلیونا قۇلای بولدی. گچن ییل بولسا اونونگ مؤچبری ۸ میلیون‌دان قۇوراق بولدی. سونگقی اۆچ ییلینگ ماغلوماتلارینا گؤرأ ژاپن‌دان سیاحاتا گیدیأنلرینگ سانی بو یوردا گلیأنلرینگکیدن ایکی اسسه‌دن قۇوراق بولوپدیر.
تۆرکمنیستان‌ینگ ژاپن بازارینا چیقماغی اؤرأن دِروایس وِ گلجگی اولی اوغور حاساپلانیلیار. ایکی‌تاراپلایین گؤرنۆشده گچیریلیأن ایشه‌وۆر دوشوشیقلاری، گنگه‌شمه‌لر وِ صؤحبِتدِشلیکلر بو اوغوردا آلنیپ باریلیان ایشلرینگ ایزی‌گیدرلی دۇوام اتدیریلجکدیگی‌نینگ آیدینگ ثبوتناماسینا اؤورۆلدی.
منبع: تی.آر.تی تورکمنچه
وبلاگ رسمی بنیادمختومقلی فراغی