سردار آزمونینگ ایرانینگ میللی تۇپاریندا اۇیناماغی ایسلهنیأر
فوتبالسؤیِرلر سرداری ایرانینگ میللی تۇپاریندا گؤرمِهک ایسلهیأر.
ایرانینگ اینگ یاش لژیونری حؤکمۆنده داشاری یورتلی بیر فوتبال تۇپاریندا اۇینایان کۆمِمت قاووزلی (گنبدکاووسلی) یاش فوتبالچی سردار آزمون یورولیگ یاریشلاریندا گل اوردی.روبین قازان تۇپاریندا هۆجۆمچی بۇلوپ اۇینایان سردار نروژینگ مولده فوتبال تۇپارینا گل اوردی.۶۴-نجی داقیقادان سۇنگرا قوربان بردییف تاراپیندان اۇیونا گیرن آزمون ۸۴-نجی داقیقادا تۇپارینینگ ۳-نجی گلینی اوردی.روبین قازانینگ باشغا گللرینی ۳۳-نجی داقیقادا آلکساندر پرودینکوف بیلن رومن ارمنکو اوردی.روبینینگ باشتعلیمچیسی تانیمال تۆرکمن تعلیمچی قوربان بردییف.
تۆرکمنصحرالی یاش فوتبالچی سردار آزمونینگ روبین- مولده اۇیونیندان سۇنگرا ایرانداقی و تۆرکمنصحراداقی فوتبالسؤیِرلر اۇنونگ ایرانینگ میللی تۇپاریندا اۇیناماغینی ایسلهیأر.
سردار آزمون اؤنگۆمیزدأکی بأسلهشیکلرده روبین قازاندا اؤزۆندن سؤز اتدیرسه و یوواش یوواش روبین قازانینگ ۱۱ فوتبالچیسینینگ آراسینا گیریپ بیلسه ایرانینگ میللی تۇپارینینگ تعلیمچیسی کارلوس کیروش اۇنی میللی تۇپارا قۇشوپ بیلر.۱۸ یاشینداقی تۆرکمن فوتبالچی تۆرکمنصحرانینگ بیر واغتلار مشهور والیبالچیسی بۇلان خلیل آزمونینگ اۇغلیدیر.
منبع» تی. آر. تی تورکمنچه
وبلاگ رسمی بنیادمختومقلی فراغی