قادیمی پۇمپه‌ئی‌پولیس شأهرینده تئاترا دگیشلی یازوو یادیگأرلیگی تاپیلدی
پۇمپه‌ئی‌پولیس شأهرینده ۷ ییلدان بأری گچیریلیأن قازوو آغتاریش ایشلرینده تاپیلان یازوو یادیگأرلیگی‌نینگ بیزینگ عاصریمیزینگ ۱-نجی یادا ۲-نجی عاصرینا دِگیشلیدیگی نیغتالیار
کاستامونو اترابی‌نینگ تاشکؤپرۆ (داش‌کؤپری) اترابیندا یرله‌شیأن قادیمی پۇمپه‌ئی‌پولیس شأهرینده گچیریلیأن قازوو آغتاریش ایشلرینده ایلکینجی گِزِک قادیمی تئاترا دِگیشلی یازوو یادیگأرلیگی تاپیلدی.
هۆنأرمنلر وِ آرکئولوگلار (باستان‌شیناسلار) تاراپیندان قادیمی اِفِس شأهرینه وِ غازی‌آنتپ‌دأکی زئوگما شأهرینه منگزش حؤکمۆنده حأصیه‌لِندیرلِن قادیمی پۇمپه‌ئی‌پولیس شأهریندأکی قازوو آغتاریش توپاری‌نینگ باشلیغی پروفسور دکتر لطیفه سوممِرأر ۲۰۰۶-نجی ییلدان بأری گچیریلیأن قازوو آغتاریش ایشلرینده ایلکینجی گزک یازماچا ثبوت‌ناما تاپاندیقلارینی آیتدی.
سوممرأر "بو یازغی یونان (گرِک) دیلینده یازیلیپدیر. یازغی شول دؤورۆنگ ایپمراتوری‌نینگ چینی وِ روم حالقی‌نینگ قۇراغچیسی مانیسینی آنگقلادیار. ایمپراتورینگ آدینی هنیز تاپیپ بیلمه‌دیک. حأضیرکی ماغلوماتلارا گؤرأ بیزینگ عاصریمیزینگ ۱-نجی یادا ۲-نجی عاصیرینا دگیشلی بولاندیغی باراسیندا پیکیر ادیأریس. بو یازوو یادیگأرلیگی‌نینگ یانیندا یرله‌شیأن بیله‌کی عسگرلر گۆن ایشیغینا چیقارلان ماحالی تاپاووتلی ماغلوماتلار یۆزه چیقیپ بیلر" دیدی.
منبع:تی.آر.تی تورکمنچه
وبلاگ رسمی بنیادمختومقلی فراغی