بخارادان اسلام عألمینه یۇل آلان امام بخارینینگ قبوری
بخارادان اسلام عألمینه یۇل آلان امام بخارینینگ قبوری
سۇوِت سۇیوزی (شوروی) زامانیندا حارابالیغا اؤورۆلِن اؤزبگیستانداقی امام بخاری قۇنامچیلیق و یأدیگأرلیگی اۇزالقی دورقینی آلیار. اؤزبگیستانینگ جمهورباشلیغی اسلام کریمۇوینگ برن امری بیلن تأزهدن قازاندیریلان بو یأدیگأرلیک معنوی روحی بیلن زیاراتچیلاری حایران قالدیریار.
عاصیرلار بۇیونچا مسلمانلارینگ اوغرایان یری بۇلان امام بخاری یأدیگأرلیگی تأزهدن بجریش آستینا آلینیپ زیاراتچیلار اۆچین آچیلدی.
ایراندان گتیرلن یؤریته مرمرلر و عاجاییپ حاط صونغاتی بیلن بزِهلِن یأدیگأرلیک و دیوارلارداقی باغ ناغیشلاری بیلن اؤزۆندن سؤز اتدیرن بو قۇنامچیلیقدا صحیح بخارینینگ یازیجیسی تانیمال دین عالیمی محمد بخاری یاتیار.
پیغامبرینگ اینگ دۇغری ۷۲۷۵ حدیثینی ییغناپ صحیح بخارینی مسلمانلارا ارمغان ادن محمد بخاری سنی حنفی عألمینینگ پایتاغتلاریندان بخارانینگ اینگ مؤهۆم زیاراتگالاریندان بیریدیر.
۱۶ یاشینداقا عربیستانا ساپار قوروپ علم الحدیثده بیلیم آلان بخاری سۇنگرا مصرا گچیپ اۇل یردن بخارا قایدار. ۶۰۰۰۰۰ حدیثی ییغنان محمد بخاری بولارینگ آراسیندان ۷۲۷۵ حدیثینگ دۇغریدیغینی آیدار. هجری قمری ۱۹۴-نجی ییلدا انهدن دۇغلان امام بخاری ۲۵۶-نجی ییلدا سمرقندینگ حارتانگ اۇباسیندا آرادان چیقار. صحیح بخاری اهل سنت مسلمانلارینینگ ۶ دۇغری حدیث کیتابی دییپ بیلینیأن کیتاپلاردان بیریدیر.
منبع: تی.آر. تی تورکمنچه
وبلاگ رسمی بنیادمختومقلی فراغی