ایزمیر ولایاتی‌نینگ فوُچا اترابینداقی عثمانلی اوُباسی تأزه‌دن دیکه‌دیلیأر

ایزمیر ولایاتی‌نینگ فوچا اترابیندا یرله‌شیدن تاریحی کوُزبی‌لی اوُباسی گِدیز بیلیم یوردی تاراپیندان دورموشا گچیریلیأن سوسیال جوُغاپکأرچیلیک تاسلاماسی‌نینگ چأگینده سیاحاتچیلیق پوداغینا دِگیشلی ادیلر.

۱۶۰۰-نجی ییللاردا قورالان، کؤپ سانلی تاریحی بینالاری اؤزۆنده اۆیشۆرِن اوُبادا گدیز بیلیم‌یوردونینگ بینأگأرلیک بؤلۆمی‌نینگ عالیملاری و داشاری یورتلی هم ده یرلی طالیپلار تاراپیندان آباتلانیار.

اوُبادا اساسی بؤله‌گی بِللیگه آلینان ۵۰-أ قوُلای بینانینگ رولووه‌لری طایارلاندی.

اژه دنگیزینه سرادیأن قایادا، آرچا توُقایلاری‌نینگ آراسیندا یرله‌شیأن کوُزبی‌لی اوُباسی ایلکی ۱۴-نجی عاصیردا ساروحان‌اوُغوللاری حانلیغی دؤورۆنده یوُقموچ آتلاندیریلیان یرده قورلوپدیر.

۱۷-نجی عاصیردا عثمانلی دؤورۆنده حأضیرکی یرینه گؤچۆریلیپدیر.

دیبِک کوُفته‌سی و زیتین یاغی بیلن هم تانالیان بو اوبا کلاسیک تۆرک بینأگأرلیگینگ اینگ عاجاییپ نوسغالارینی اؤزۆنده بیرلِشدیریأر.

اساسان داشدان قورالان بینالاریدا یونان تأثیری هم گؤرۆلیأر. اتراپ دوُلولیغینا تاریحی أهمیته ایه بولاندیغی اۆچین دؤولت قوراغحاناسی‌نینگ چأگینه دِگیشلی.

منبع:تی.آر.تی تورکمنچه