تۆرکلرینگ تاریحیندا اولی یره اِیه‌ بۇلان تانگری داغلاری (حیتای دیلینده تیان‌شان) دۆنیأ مدنیت میراثی ساناوینا گیریزیلدی.

کامبوج‌ینگ باش‌شأهِری پنوم‌پن‌ده گچیریلن ۳۷-نجی دۆنیأ میراثی کنفرانسیندا حیتای تاراپیندان هؤدۆلِنِن بو تِکلیپ قابول ادیلدی.

شیله‌لیک بیلن حیتای دۆنیأ مدنیت میراثی ساناوینا ۴۴ اثری بیلن اؤز یرینی آلدی.

تانگری داغلاری ۱ میلیون اینه‌دؤردۆل کیلومتر (کیلومتر مربع) مؤچبری بیلن اؤزبگیستان، قیرغیزیستان، قازاغیستان و حیتای‌یینگ اویغور اؤزباشداق بؤلگه‌سینده یر آلیار.

بو داغلاردمیرقازیقدان چونغار، گۆن‌اۇرتادان قازاغیستان‌ینگ دۆزلری، گۆن‌اۇرتا- گۆن‌دۇغاردان تأریم اۇیمانلیغی، گۆن‌اۇرتا گۆن‌باتاردان بۇلسا آلای داغلاری بیلن یاناشیقدیر.

قازاغیستان، قیرغیزیستان و اویغوریستان‌ینگ آراسیندا یر آلیان حان تانگری آدینداقی دِپه‌لیک ۷۰۱۰ متر بِیکلیک بیلن تانگری داغلاری‌نینگ اینگ بیک یرلریندن بیریدیر. بو دِپه‌لیگه آغشام‌آرا گۆنۆنگ ایشیغی بیلن قیزاراندیغی اۆچین قیرغیزیستان‌دا قان‌داغی دیأرلر.

منبع:تی.آر.تی تورکمنچه