تۆرکمنیستان‌دا مدنیت هِپده‌‌لیگی باشلادی
آوازا میللی سیاحاتچیلیق زوُلاغیندا مدنیت هپدهلیگی دابارالی یاغدایدا باشلادی.
تۆرکمنیستان‌ینگ جمهورباشلیغی‌نینگ باشلانغیجی اساسیندا ایلکینجی گزک گچیأن مدنیت هپده‌لیگینه بالکان ولایاتیندا، آوازا میللی سیاحاتچیلیق زوُلاغیندا بادالغا بریلدی.
تۆرکمنیستان‌ینگ مدنیت وِ صونغات ایشگأرلری‌نینگ گۆنۆنه باغیشلانیپ قورالیان هپده‌لیگینگ چأکلرینده دؤرِدیجیلیک بأسلِه‌شیکلری، سرگیلر، ماصلاحاتلار، فولکلور چیقیشلاری، دۆرلی اۇقوو چأره‌لری وِ بیله‌کی دابارا‌لار، شیله هم مشهور داشاری یورت آرتیستلری‌نینگ قاتناشماغیندا بیله‌لیکدأکی اولی کُنسرتلر گچیریلر.
تۆرکمنیستان‌ینگ جمهورباشلیغی قوربان‌قولی بردی‌محمدووینگ آوازا میللی سیاحاتچیلیق زوُلاغیندا گچیریلیأن مدنیت هپده‌لیگینه هم-ده اونونگ چأکلرینده قورالیان حالقارا صونغات سرگیسینه قاتناشیجیلارا قوتلاغیندا شیله سطیرلر یر آلیپدیر ”بو حالقارا مدنی چأره تۆرکمنیستان بیلن سبیتینگ دۆنیأ‌نینگ دۆرلی ایقلیملاری‌نینگ دؤولتلری‌نینگ آراسینداقی مدنی قاتناشیقلارینگ اؤسۆشینگ تأزه درجه‌لرینه گؤتریلمِه‌گینه،اؤزآرا بأهبیتلی حیذماتداشلیغینگ حاص-دا اؤسمِگینه وِ پۇغتالانماغینا،ذهینلی صونغات اوسساتلاری‌نینگ یۆزه چیقاریلماغینا یاردام ادر”.
مدنیت هپدهلیگی هر ییل بیر ولایاتدا گچیریلر.
منبع:تی.آر.تی تورکمنچه
وبلاگ رسمی بنیادمختومقلی فراغی