غاررئ بابا واشه‌گينگ غويا غاچما حكاياسئ يازئجئ : عيدي وكيلي
ـ ايش باشا دوٌشسه باشارماق گره‌كدير.
ـ غولاق ايشيني تابشئرار، أر ايشي بيتيره‌ر.
ـ ايشيني باشاران كيشي، أر كيشي دير.
ـ ايشله‌مك عايئپ دألدير، ديله‌نمك عايئپ دئر.
ـ أركيشي نينگ أرليگي ، ايشده بللي دير.
ـ دوُس گؤرينچأ، دوغان اؤلينچأ.
غاررئ بابانگ كؤپ دوٌردأنه سؤزلري بو گوٌن ايل حالقئنگ « آتالار ناقئلئ »
بولوپ، يوٌره‌كلرده جاي آچئپ ياشاياندئغئنا گؤز يتيرسنگ بولار.
غاررئ بابا اؤز اوبا سئندا چاغالار بيلن هم شيله بير ائسنئشئغئ بارمئش،
اول اؤيوٌنه آلئپ باريان سوٌيجي دير ـ آلقئشلارئنئ اويناپ يؤرأن چاغالار بيلن
ده‌نگ پايلاشئپ، اونسونگام اولارئنگ باشلارئنئ سئپاپ:
ـ آي تانگرئ‌نئنگ بره‌ن گه‌نگجه ميوالارئ، سيزي گؤره‌مده چاغاسئزلئغئمئ
اونوديارئن. غوربانئ بولايئن بييك وكراماتلئ تانگرئما؛ مانگا دؤزمه‌ديك بيله بير
سوٌيجوٌليگي، اوبا ايل حالقئنا بره‌ننه شوٌكوٌر دييپ غوانا ـ غوانا اؤيوٌنه تاراپ
غالغئپ گيديأنميش.
گوٌنلرده بيرگوٌن اوبا حالقئ‌نئنگ بيري غاپئ سئنا گليپ:
ـ غاررئ بابا ، غاررئ بابا ، يتيش، يتيش ـ ديييپ غئغئرئپ دئر.
غاررئ بابا داشارئ چئقئپ:
ـ نأم بولدئ ، ديييپ سوراپدئر.
اوندا غونگشئ :
ـ غاررئ بابا ؛ اشه‌گيم ، يكه‌تأك اشه‌گيم ، ايچريمينگ چؤره‌گين اؤنده‌ريأن
اشه‌گيم ، غويا غاچدئ!
كؤپ كيشي بولوپ چئقارا بيلمه‌ديك ، مونئ دينگه سن چئقارا بيلرسينگ
ديييپ آيتدئلار. غايرات اِت غاررئ بابا، سنده باشارماسانگ چؤره‌كده‌ن
كسيله‌رين، اشگيم بولماسا منينگ چاغلارئم آچ غالار. . .
غاررئ بابا:
ـ كؤشه‌ش اوغلوم، بولجاق بولاندان سونگرا ، آدامئنگ الينده‌ن گلجه‌ك
ايش بولماز. يؤنه بير اوميد بار بولسا، تانگرئ بير ده‌شيگي باغلاسا،
ينه بير ده‌شيگ آچئلار.
هيچ آلادا اتمه، بره‌ن اؤزي بولسا ، سنكي دير ، بارالئ گؤره‌لي اليميزده‌ن
نأمه گليأر دييأر.
غويئ نئنگ باشئنا بارئپ گؤرسه‌لر، اشه‌ك ديسه‌نگ سئقئشئپ دئر،
اشه‌ك دينگه غئمئلداپ بيليأر بولسادا سوٌيشمأگه يري يوقمئش.
اوُندا غاررئ بابا :
ـ گؤموٌنگ دييأر!
اشه‌گينگ ايه‌سي : غاررئ بابا ، بونأمه ديديگينگ بوليار، من اشه‌گيمي
گؤممه‌ك اوٌچين دألده، چئقارماق اوٌچين سني چاغئردئم . سن گؤم
دييأرسينگ ، گؤموٌلسه اؤلر آخئرئ . . .
غاررئ بابا : اؤلمه‌ز، اؤلمه‌ز . . .
دوران اوبا آداملارئ يرلي يرده‌ن گؤممأگه دوريارلار. هرگزه‌ك غوم
اشه‌گينگ دئزئنا چن اوٌيشه‌نده اشه‌ك حايوان سيلكينيپ آياقلارئنئ
غومدان چئقارئپ، بارا ـ بارا گؤنگه چئقئپ، شه‌يديپ غوييئنئ گؤموٌپ
اشه‌گي چئقاريارلار.
اوبا آداملارئ :
ـ باي بأ . گؤرسه‌نأنگ بيله بير پيكير كيمينگ عاقلئنا گلردي ! دانا
كيشي له‌نگ پارخئ شوندا دئر ديسه‌نه ، دييپ.
غاررئ بابانئ آلقئشلايارلار دا:
ـ تانگرئ يالقاسئن غاررئ بابا، تانگرئ مئرادئنگ ارديرسين ،
سانگا اوزاق ياش برسين دييأرلر.
غاررئ بابا بير نالاجئنگ گؤنوٌني خوشلانئ اوٌچين بگه‌نيپ اؤيوٌنه دوُلانيلار . . . . . . . .
سونگلادئ.
منبع:www.damja.blogfa.com
وبلاگ رسمی بنیادمختومقلی فراغی