تۆرکمن مدنیتی‌نینگ هپدهلیگی گچیریلر
قوربان‌قولی بردی‌محمدوف بو باراسینداقی قارارا قۇل چکدی
تۆرکمنیستان‌ینگ جمهورباشلیغی‌نینگ هر ییل یوردونگ دۆرلی ولایاتلاریندا مِدنیت هِپده‌لیکلرینی گچیرمه‌ک باراداقی باشلانغیجی سؤزۆنگ دۇلی معنیسیندا تأزه دأپ بولوپ، تۆرکمن مدنیتی‌نینگ تاریحینا گیرر. شیله دأپلر همیشه-ده تۆرکمن مدنیتی‌نینگ وِ جمغیتی‌نینگ اؤسۆشی‌نینگ تاپغیریندا یۆزه چیقیپدیر.
ایلکینجی گزِه‌ک شونونگ یالی مدنیت هپدهلیگی بالکان ولایاتیندا، “آوازا” میللی سیاحاتچیلیق زۇلاغیندا گچیریلر. شول مدنیت هپده‌لیکلری‌نینگ أهلیسی ژوئن آییندا بللِه‌نیلیأن تۆرکمنیستان‌ینگ مدنیت وِ صونغات ایشگأرلری‌نینگ گۆنۆنه باغیشلانیپ قورا‌لار. هپده‌لیگینگ چأکلرینده دؤرِه‌دیجیلیک بأسلِه‌شیکلرینی، سرگیلری، ماصلاحاتلاری، فولکلور چیقیشلارینی، دۆرلی اۇقوو چأره‌لرینی وِ بیله‌کی دابارالاری، شیله هم مشهور داشاری یورت آرتیستلری‌نینگ قاتناشماغیندا بیله‌لیکدأکی اولی کنسرت گچیرمِک گؤز اؤنگۆنده توتولیار.
تۆرکمنیستان‌ینگ جمهورباشلیغی قوربان‌قولی بردی‌محمدووینگ بِللِه‌یشی یالی، اؤنگۆمیزدأکی مدنی چأره اولی تۆرکمن طویی حؤکمۆنده گچیریلیپ، تۆرکمن حالقی‌نینگ آغزی‌بیرلیگی‌نینگ وِ بیتِولیگی‌نینگ، میهمان‌سؤیرلیگی‌نینگ وِ آچیقلیغی‌نینگ آیدینگ بیانینا اؤورۆلمه‌لیدیر.
منبع: تی. آر .تی تورکمنچه
وبلاگ رسمی بنیادمختومقلی فراغی