دابارانینگ آچیلیشیندا، سلچوق بیلیم‌یوردی‌نینگ تۆرک و قارینداش جمغیتلری‌نینگ طالیپلار جۇغاپکأری، پروفسور دکتر رجب آق‌جان و نجم‌الدین أربکان بیلیم‌یوردوندان، دکتر عبدالله سلجوقلی قوربانلی چیقیش اتدیلر.
  تۆرکمن‌ینگ بیک عاقیلداری ماغیتم‌قولی پیراغا باغیشلانیپ، گچیریلن چأرأ قونیه ولایاتیندا یرلِه‌شیأن بیلیم‌یورتلاری‌نینگ موغاللیملاری، عالیملار هم قاتناشدی.ماغتیم‌قولی پیراغی‌نینگ عمری و دؤره‌دیجیلیگی باراسیندا ماغلومات بریلن چأره‌ده ،شاهیرینگ قۇشغولاری اۇقالدی.
   سلچوق بیلیم‌یوردنونینگ ادبیات فاکولته‌سی‌نینگ اۇرنباساری و فارس دیلی و ادبیاتی بؤلۆمی‌نینگ باشلیغی عیلیملار دُکتری علی تمیزاِل تۆرکمن صحرا تۆرکمنلری باراسیندا ماغلومات بریپ، پیراغی‌نینگ و قاقاسی دؤولت مأمت آزادی‌نینگ حۇرماتینا بیک یأدیگأرلیگینگ باردیغینی گۆررۆنگ بردی.
هر ییل "18-نجی مای‌دا تۆرکمن‌صحرادا ماغتیم‌قولی پیراغی‌نینگ حاطیرالاما داباراسی گچیریلیأندیگینی" نیغتان دکتر تمیز‌اِل "ماغتیم‌قولی پیراغی‌نینگ بؤلگه یورتلاریندا و ادبیاتلارینداقی تأثیری، تۆرکلرینگ ایرانا گلمه‌گی، ایران‌دا تۆرکمنلرینگ یاشاییش یرلری، تۆرکمن‌صحراداقی ادبی فعالیتلر، چیقیان قازِتلر و ژورناللار، کۆممِت قاویزداقی (گنبد کاووس) ماغتیم‌قولی پیراغی جمغیتچیلیگی و باشلیغی محمد قۇجقی" بارادا چیقیش اتدی.
بو دابارادا تۆرکمن طالیپلار ماغتیم‌قولی پیراغی‌نینگ شیغیرلاریندان اۇقادیلار؛ تۆرکمن عرف عاداتلاریندان، تانسلاریندان و تئاتریندان بیرنأچه‌سینی گؤرکِزدیلر.دابارانینگ سۇنگوندا تۆرکمنیستان بارادا بیر ویدئو فیلم گؤرکِزیلدی.

منبع: تی.آر.تی تورکمنچه