ترجمه شعر" قلب مادر" ایرج میرزا به ترکی قشقائی توسط استاد : علی اصغر حسنی طیبی
او منی گؤرنده بورنونو اه ییر
هر یئره اوتوریر یئریمی دوییر
قارقیش ائدیر ,منی هر یئرده سوییر
تا دیریدور خوشلیگ بیزه حارامدیر
نه دئیم , باشیما دنیا تامام دیر
اگر سیرنگ کی گؤینیمی آلانگ سن
تویوموزدان بیر کلام گپ چالانگ سن
گرگ گئدنگ تئز آنانگی بولانگ سن
او ظالمی یر اوزوندن گوتیرنگ
قانلی اور گینی منه گتیرنگ
عاشقده کی , مهر و وفا یوخودو
وجودنده لطف و صفا یوخودو
ذره هنر غیر از جفا یوخودو
ایچدی چکدی مست ودلی اولدو او
آناسینی بیر خلوتده بولدو او
تا ابد بو ننگینگ آلتیندا قالدی
بیر خنجر آناسی دؤشونه سالدی
چاخارتدی اورگین الینه آلدی
دئدی بو سوغاتی یارا آپارام
داها من تئز اؤز آرزومه چاتارام
او قانلی اورگی الده گتیردی
تا کی یارینگ قاپوسونا ائتیردی
دگدی یره, توردو قلبی گؤتوردو
گؤردو اوره گ بیر آه چکدی چاغیردی :
دگدینگ یئره بالام هارانگ آغیردی؟
جانوم چیخسین ببم الینگ چیزیلدی کور اولایدوم بالام قیچینگ آغیردی؟
منبع: www.aghureil.blogfa.com
وبلاگ رسمی بنیادمختومقلی فراغی