فراغينگ حضورندا/بای محمد قلیچی
ياغتي سالدنگ عقل لرنگ اوينـه
قوانج بولدنگ گونگل لرنگ كوينـــــه
بزگ بردنگ بوتر كمنينگ طوينه
غيرات ساچاغينگ سن سينگ چوراگي
بيك شاهير مختوم قلي فراغي
براكت سن ادبــيــات ملكنـــه
گويج گتردنگ بو صحرامنگ خلقنه
قارشي دوردنگ عدالتسيز تولقنه
سن بوليب سن ايل الينگ يراغـــي
بيك شاهير مختوم قلي فراغي
دوشمانه آتيب سن هيبت اوقنـــي
ظالم ايماسين ديب مظلوم حقنـــــي
ياندنگ گوريب چرخنگ يقه يقني
صحرا گوراسنينگ سن سنگ يوراگي
بيك شاهير مختوم قلي فراغي
چاكسيز قوانيب سنگ خلقنگ خوشلغنه
آرمان چكدنگ منگلي قيزنگ داشلغنه
كوب قيناندنگ ايلنگ گوچه گوچلغنــه
بولسم ديدينگ وطنمنگ قوراقـــــي
بيك شاهير مختوم قلي فراغي
هم هيبت سن هم فرياد سن غيرات سن
هم بگنج سن هم قوانج سن شهرات سن
هم شاگرده هم استاده استاد ســـــــن
هم صحرامنگ هم جهانينـــــگ گراگي
بيك شاهير مختوم قلي فراغي
الهام بيلن يوراگلري اوياتدنـــــــگ
سوزم آنگلان بارديرديب اوي اتدينگ
سوز گيجه سيني ياغتلغه باي اتدينگ
آي بوليب نور ساچن عالم چراغـــي
دولت محمد اوغلي بيگ فراغي
باي محمد قليچي
وبلاگ رسمی بنیادمختومقلی فراغی