تۆرکمِنیستان سیاحاتچیلیغا أهمیت بریأر تی.آر.تی تورکمنچه
توریزم پوداغی تۆرکمنیستان‌ینگ گۆن‌ترتیبینده
انرژی پوداغیندا اؤرأن اولی یره اِیه بۇلان تۆرکمنیستان توریزم پوداغینی دا گۆن‌ترتیبینه گتیرمه‌ک ایسله‌یأر.حازاریاقاسیندا آوازا میللی سیاحاتچیلیق زۇلاغینا اولی مایا قۇویان تۆرکمن حؤکۆمِت بیرلشن میللتلر قوراماسی بیلن ترویزم باراسیندا دا حیذماتداشلیغی گۆیچله‌ندیرر.
بیرلشن میللتلر قوراماسی‌نینگ بۆتین‌دۆنیأ سیاحاتچیلیق قوراماسی (WTO)-نینگ باش‌یازمانی (دبیرکلی) طالب رفاعی ایلکینجی گزه‌ک تۆرکمنیستان‌دا ساپاردا بۇلدی.تۆرکمنیستان‌ینگ دؤولت باشلیغی قوربان‌قولی بردی‌محمدوف بیلن دوشوشان طالب رفاعی بو یوردونگ سیاحاتچیلیقداقی ایمکانلاری بیلن تانیشماق اۆچین ساپار قوراندیغینی بیلدیردی.
اؤتن ییل لندن‌ده قورالان حالقارا توریزم سرگیسینده تۆرکمنیستان‌ینگ توریزم باراداقی پتانسیلی بارادا ماغلومات آلاندیغینی آیدان بۆتین‌دۆنیأ سیاحاتچیلیق قوراماسی‌نینگ باشلیغی حازارینگ یاقاسینداقی آوازا میللی سیاحاتچیلیق زۇلاغی‌نینگ ۲۱-نجی عاصرینگ عاجاییپ اولی پرۇژه‌لریندن بیری حۇکمۆنده بۇلاندیغینی نیغتادی.
تۆرکمنیستان‌ینگ تاریحی یرلر بارادا دا بای بیر یورت بۇلاندیغینی آیدان رفاعی قادیمی مرو، کؤنه‌اۆرگِنچ، نیسا یالی تاریحی یرلرینگ داشاری یورتلی توریستلری بگندیرجِکدیگینی آیتدی.بۆتین‌دۆنیأ سیاحاتچیلیق قوراماسی‌نینگ باشلیغی تۆرکمنیستان‌ینگ توریزم پوداغیندا اؤسمه‌گینه قۇلداو برجِکدیکلرینی بیلدیردی.
۲۰۰۷-نجی ییلدا باشلادیلان آوازا میللی سیاحاتچیلیق زۇلاغیندا ۲ میلیارد دلارلیق مایا قۇیولدی.بو توریسم بؤلگه‌سی توریزم مؤوسۆمینده ۳ مۆنگ سیاحاتچا حیذمات بریأر.اؤنگۆمیزدأکی ییللاردا آچیلجاق تأزه هتللر بیلن بو موقدار ۷ مۆنگ توریسته یۇقارلار.
وبلاگ رسمی بنیادمختومقلی فراغی