( كچه ) كيز ( عيدي وكيلي ده‌ن بير حكايا )
بوگوٌرروٌنگه غولاق گريپ دوران بير ياشولئ اؤزوٌني آرا آتياردا :
ـ اوُهو. . . بگلر؛ من بير بزيرگن، آلئش ـ بريش اوٌچين دوٌنيأني دوُلاشدئم، كؤپ اوٌلكه‌لري گؤردوٌم،
سيزينگ ييتگي نگيز؛ دينگه هنديستاندا تاپئلار. اينگ دوغرئسئ سيز اوُ يره گيدينگ ،
گره‌گنگيزه شوُ يرده غاوئشارسئنگئز ـ دييأر.
اولار بو ياشولئ نگ آيدانئنا غولاق آسئپ ، ايير ارتير هنديستانا يولا دوٌشيأرلر. . .
بولار كؤپ واغتلاپ هنديستاندا ايش اؤوره‌نيپ اوستادلئق اورنئنئ آلئپ دولانئپ گليأركألر،
غاراقچئلارئنگ توسساغنا دوٌشيأرلر. غاراقچئلار، كروه‌ني تالاپ كؤپوٌسيني اؤلدوٌروٌپ مال لارئنئ
آلئپ سونگوندا اوٌچ توٌركمنه يوٌزله‌نيپ سيز بيلن نأده‌يلي دييأرده؛
ـ آلماغا مالئنگئز يوق ، هانئ الينگيزده‌ن نأمه گليأر ـ دييأر.
اولار بو آدامئ سئن اديپ گؤرسه‌لر، بير گؤزي كؤر، بير الي غوُلاق ، بير آياغئ آغساق بولا بولا
بويروغئندان هيچكيم بويون بورانوق ديييپ حايران غالئپ، الينده‌ن گليأن ايشلري آيديارلار.
غاراقچئ باشئ اولارا ؛ سن كوٌشت اوسسادئ بولسانگ ؛ من بيلن كوٌشت اوينارسئنگ .
مني ينگيپ بيلسه‌نگ بيرچمچه غانئنگدان گچه‌رين، اممأ ينگيلسه‌نگ باشئنگئ كسه‌رين دييأر.
ايكينجأ بوُلسا؛ سيز هم ساز اوسسادئ بولسانگ ، مانگا شيله بير ساز چال ؛
اگر سؤيسه‌م اوندا سنينگ هم بيرچمچه غانئنگ دان گچه‌رين، يوغسا سنينگ هم باشئنگئ
آلارئن ـ دييأر.
اوٌچوٌنجأ؛ سن هم مني شيله بير تاسارلارسئنگ، گپله‌مأگه ـ گِپ، سؤزله‌مأگه سؤز غوُيمازسانگ
بيرچمچه غانئنگدان گچه‌رين ، يوغسا باشئندان گچه‌رسينگ دييأر.
كوٌشت اوُيناماغا اؤزوٌنه غووانيان غاراقچئ هنيز آنگرئ ـ بأريسينه باقئنچا ينگيله‌نني بيلمأن غاليار.
اونگا يوٌزله‌نيپ چئنداندا اوسساد بولوپ سئنگ دييأر ده، سن اؤز اركينليگنگي غازاندئنگ و جانئنگئ
غوتاردئنگ دييأر.
ايكينجي سازاندا هم ؛ آتئنگ غويروغئندان ياسان غورالئ بيلن سازئن چالماغا دوريار؛ اوندا غاراقچئلار
بوسازئنگ يوقئملئ لئغئنا وتأثيرينه حايران غالئپ گؤزلرينده‌ن بوُيورـ بوُيور ياشلارئ نئنگ
غايدانئنئ بيلمأن اوتوريارلار. ساز غوتارانسونگ غاراقچئ باشئ :
ـ اي سازاندا اوسساد سيزهم جانئنگئزئ غوتاردئنگئز ـ دييأر.
اوٌچوٌنجي هم؛ الينه يوٌنگ آلئپ بويامانا دوريار، آق ـ غاراـ غئزئل و . . . اونسونگ ير يوٌزونه يايرادئپ
دوٌرلي بويالار بيلن غارئپ باشلايار. سونگام بارئنئ دوٌيرلأپ ، بؤكوٌپ باشلايار. كأ سوٌيرأپ،
كأبؤكوٌپ ، كأباسئپ ايشيني غوتاريار. اونسونگ اونئ ير يايئپ غويبريأر.
گؤرسه‌لر بو يوٌنگ بيلن، آت اوٌستونده اوتوران كيشي شول غاراقچئ باشئنئ شيله بير اوتوردئپ دئر
ولين غولاق الينده ياي غوُيوپ ، اوُق آتدئرپ آو آولادئپ، كؤر گؤزوٌني يومدئرئپ ، آغساق آياغئنئ
آتئنگ گؤروٌنمه‌ز يانئنا اوتوردئپ ( يوٌزي ـ گؤزي ) خئرسئز غاراقچئنئ آوادان تاسارلانئ اوٌچين؛
غاراقچئ باشئ سيزهم ديسه‌نگيز اوسساد بولوپ سئنگئزـ دييأرده ؛ سيزهم جانئنگئز غوتاردئنگئز
يؤنه هانئ آيتسانا مونونگ آدئنا نأمه دييأرلر؟ ـ ديييپ سورايار.
ـ مونونگ آدئنا «« كيز »» ديييأرلر.
اولار اؤز جانلارئنئ غوتارئپ اؤز يووردلرينه غاوئشيارلار. . .
ايلكي « كيز » سونگرا « كِچه » بوليار. . .
عيدي وكيلي
1391 غئش آيي
وبلاگ رسمی بنیادمختومقلی فراغی