طبیغات سؤیِرلر جمغیتچیلیگی‌نینگ باشلیغی امید شیراجی، مطبوغاتا برن بیاناتیندا، ایزلی ایزینا جمغیتچیلیگینگ آغضالاری بیلن دنیزلی و تؤوِره‌گینده طبیغاتدا گزه‌لِنجه چیقاندیقلارینی آیدیپ، گچن هِپده یوُلداشلاری بیلن بوُزقورت اترابی‌نینگ اینجه‌لر بؤلگه‌سینه گیدِندیکلرینی بیلدیردی.

شیراجی "قایانینگ اۆستۆندأکی یازوولار بیزینگ دیققاتیمیزی چکدی. فوتوصورات آلیپ بو یازوولاری بِجِرمنلره گؤرکِزدیک. صوراتلاری بارلایان عالیم کورشاد بایتوُق بو یازوولارینگ گؤک‌تۆرک مدنیتینه دگیشلی بوُلاندیغینی و اولارینگ الیپ‌بی‌یینده یازیلاندیغینی آیتدی. بیز ده حیران قالدیق." دیدی.

قایاداقی یازوو یأدیگأرلیگی‌نینگ "اۆچ اِنِنمیش آت آلدی" جمله‌سی بیلن دِنگِشدیرلِندیگینی آیدان شیراجی "بو یازوولار ۸-نجی عاصیردا یازیلیپ بیلر. تۆرکلرینگ آناتولیا گِلن واغتی کیتاپلاردا ۱۰۷۱-نجی ییلدا ملازگرت ساواشیندان سوُنگرا دییپ بیلدیریلیأر. امما تاپیلان یازوو اثری تۆرکلرینگ ملازگرت ساواشیندان اؤنگ گِلندیکلری‌نینگ ثبوتیدیر." دیدی.

پاموق‌قالا بیلیم‌یوردونینگ موغاللیمی دکتر تورگوت توُق دنیزلی‌ده بیله یأدیگأرلیکلرینگ باردیغینی آیدیار و سؤزۆنی شیله دووام اتدیریأر: "دنیزلی‌ده اؤنگ‌تۆرکلرینگ طامغاسی تاپیلیپدی. تاپیلان تأزه یازوو یأدیگأرلیگی ده اؤنگ تۆرکلرینگ بارلیغی‌نینگ ثبوتی."

  منبع: ت.ر.ت تورکمنچه