بنیاد مختومقلی فراغی

Täze ýylyňyz düşümli bolsun! Täze ýylda size kän-kän durmuş süýjüligini arzuw edýärin. Meniň täze ýylda bişiren tortum hem şol süýjülige bir kiçijik goşant bolsun.

Medowik

Kökesi üçin
6 ýumurtga
2 nahar çemçesi bal
200 gr şeker
200 gr mesge
800 gr un
1 çaý çemçesi hamyr tozy

Kremi üçin
1 l süýt
300 gr şeker
300 gr mesge, otag ýylylygynda
4 nahar çemçesi un

Tortuň kökesini taýarlamak üçin ilki saçda mesge eretmeli. Eredilen mesge sowaýança başga bir gapda ýumurtgany, baly, şekeri garmaly. Emele gelen garyndynyň üstüne eredilen mesgäni guýup bulamaly.

Pitä suw guýup, otda goýmaly we suw gaýnanda garyndyly gabymyzy pitiniň üstünde goýup, gaýnaýan suwuň bugunda 10 minut bulap durmaly. Garyndyny bugdan aýyrmaly, una hamyr tozuny garmaly we garyndynyň üstüne az-azdan un guýup bulamaly, ýumşajyk hamyr etmeli. Hamyry 10 bölege bölmeli we 30 minut sowadyjyda goýmaly.

Ojagy öňünden 250 derejede gyzdyrmaly. Hamyryň her bölegini ýukajyk 30 cm aralygynda ýaýmaly we olary ýeke-ýekeden ýüzi gyzarynça bişirmeli. Bişen kökeleriň her birini ojakdan çykaran dessiňe, gatamaka 28 cm tegeleklikde kesmeli.

Tortuň kremini taýarlamak üçin bir pitä süýt we şeker guýup, pes otda gaýnatmaly we ony tagta çemçe bilen bulap durmaly. Süýt 20 minut gaýnansoň, üstüne az-azdan un guýup bulamaly. Süýt goýalanda oduny öçürmeli we sowatmaly. Mesgäni mikser bilen bulamaly we süýtli garyndyny mesgäniň üstüne az-azdan guýup, mikser bilen bulamaly.

Taýýar bolan tort kökelerini bitewi tort etmek üçin ilki bir kökäniň ýüzüne krem çalmaly. Soňra ikinji kökäniň arkasyna süýt çalyp, ony birinji kökäniň üstünde goýmaly we ýüzüne krem çalmaly. Şu tertipde tort kökelerini üsti-üstüne örüp, birleşdirmeli.

Köke kesilende gyrasyndan galan bölekleri oklawy bilen owradyp, owuntyk etmeli we ony tortuň üstüne we gapdallaryna sepelemeli. Kremiň kokelere gowy siňmegi üçin torty bir gije goýmaly

منبع:www.Turkmenkitchen.com