شاهير عوض تاغان كاتبي نينگ (1803-1881 م ) گوگ دفه باراده يازان قوشغي سي
بو واقعه غه 78ياشينده بولان قوجه شاهير عوض تاغان كاتبي هم قادناشيار ،«گوگ دفانينگ سونگ قي اورشينده ، اونگا اوق دگيب ، يارالي بولان . عموماً اوق بدنيندن چيقمان دير. بير آي قرق گون اول يارادان غنيمت هم بولان اكن . سونگرا يارانينگ ايچينده جراحت قالاني اوچين ، ياراسي ينه تازه له نيبدر .شكر آقا ديين بير قارينداشينا آيدان ؛ اي شكر منينگ هم عمريم طنافي قيسغالدي ، اولمازيمدان اووال بير اولاغا مونديريب گوگ دفه شهريني ينه بير گوركز دي ين . شوندا شول شكر آقا ديين قارينداشي يابي سينا مونديريب گوك دفه شهرينه آليب باريبدير . شونده گوگ دفه نينگ شهري نينگ (قالاسي نينگ) اوستونه چيقيب آيدان غزلي اوندان سونگ هم ايكي هفته ده يدمان دنيادن اوتيبدر».
سنينگ اوستونگده[1]
ييقلميشدير شهريميز ،هنيز اوتورموش شيله خورليق گورديگ سنينگ اوستونگده
اولن لر اوز دوردي ،قالان نه گوردي شيله خورليق گورديگ سنينگ اوستونگده
نوربردي خان ال يتردن داش بولدي بردي مرات خان اولوغ ايله باش بولدي
زمين لرزان اوروب چين سووش بولدي شيله خورليق گورديگ سنينگ اوستونگده
بيرمسلط گلدي جهاني آليب بيرمصلحت تاپماديلار ايل بولوب
اون باش گون قان آقدي مثل سيل بوليب شيله خورليق گورديگ سنينگ اوستونگده
يعقوب ارمني دير كافرنينگ باشي اوستوميزه گلدي سريلدي لاشي
سيدمأمدخوجام اسلامينگ باشي اولارهم جان بردي سنينگ اوستونگده
سگسن مونگ قوشونا بويون بورمادي ا... اوردي بيري بارا قارغادي
ييگرم اوچي دوشنبه گون دارغادي شيله خورليق گورديگ سنينگ اوستونگده
قربان مرات ايشان ، پولات خان بيلن نالرجفاچكدي شيرين جان بيلن
شهرميزينگ ايچي دولدي قان بيلن شيله خورليق چكديگ سنينگ اوستونگده
ندرداش آياق دير ياغي نينگ گولي آمان شاه حسين خان باريندان اولي
آنامأمدكچه اولياقلي شولاري بايديرديق سنينگ اوستونگده
خان مأمد آتاليق اورازمادخاني ال لرينگ اوستونده پرواز ديرجاني
اول آرلرينگ همراه بولسين ايماني اولارهم جان بردي سنينگ اوستونگده
نيچه سنينگ آلتين تاجي گره گي نيچه سنينگ قاراباغري يوره گي
شول ظالمينگ گورولمديگ ياراغي شيله اوت ساوردي سنينگ اوستونگده
بيرييغا ياناشسانگ بلندبخت بيلن كسگيرقليچ بيلن عرب آط بيلن
قاراباطير اولدي ساي ييگيت بيلن اولوغ دعوا قورديق سنينگ اوستونگده
اوروس آدلي ناگهان ذات دوره دي صفرآيي خلق اوستونه يوريدي
يوموت ، گوگلنگ ايلي شونگا ياريدي شيله اوت ساوريش ديم سنينگ اوستونگده
شهري مينگ ايچينده اون سكگيزگنبد چاغيرسام يتيشر بي گمان همت
اوچماخينگ بازارنينگ بهاسي قئمت شونگا نصيب بولدي سنينگ اوستونگده
بيريانيندان كرناي –سورناي قاقيلدي شهردييب بيريانيندان چيقيلدي
بالاچاغا يره گوگه دوكيلدي شيله خورليق گورديگ سنينگ اوستونگده
عوض مرات دئقمه اينيب جهانا اهل كردستاني گتيردي آمانا
سووش گوني دگر بيري يوزاونا شيله سووش قورديق سنينگ اوستونگده
بوايش لر ايش دالدي بيلدي صيادلار اونگا قولاق سالماز عقل سيز ايت لر
ميليس ده دالاشان سرمست ييگيت لر آلارني بايديرديق سنينگ اوستونگده
يگه نه نينگ كاريزينه گلن سونگ آندان سونگرا ينگ قالاني آلان سونگ
آي توتولدي بردي قاضي اولن سونگ آي گون ياس باغلادي سنينگ اوستونگده
كاتبي دير قالديق توكنمز درده بيزلر رسوا بولديق ياقينا – يادا
همه سي خِرلي چي باش مينگ پياده شولارني بايديرديق سنينگ اوستونگده
وبلاگ رسمی بنیادمختومقلی فراغی