ماغتیم‌قولی پیراغی اۇوغانیستانلی طالیپلار تاراپیندان قونیه‌ده یاتلاندی
اۇوغانستانلی تۆرکمن و اؤزبک طالیپلار ،تۆرکیأنینگ قۇشغی و سؤیگی شأهِری، مؤولانا بیلن تانالان شأهری
قونیأ‌نینگ، نجم‌الدین أربکان بیلیم‌یوردوندا( دانشگاه) تۆرکمنلرینگ میللی شاهیری ماغتیم‌قولی پیراغی‌نی
حاطیرلادیلار.
پنجشنبه گۆنۆندأکی یاتلامادا ،سلجوق بیلیم‌یوردوندان دکتر علی تمیز‌اِل، نجم‌الدین أربکان بیلیم‌یوردوندان رضوان
اؤزتۆرک، اۇوغانستانلی اؤزبک شاهیر همایون خیری و نجم‌الدین أربکان بیلیم‌یوردونینگ الهیات بؤلۆمیندن
اۇوغانستانلی طالیپ ،محمدقاسم عبادی چیقیش اتدیلر.
سلجوق بیلیم‌یوردونینگ پارس دیلی و ادبیاتی بؤلۆمی‌نینگ باشلیغی دکتر علی‌تمیز‌اِل بو دابارادا "ایران‌داقی
تۆرکمنلر و ماغتیم‌قولی پیراغی" آتلی ماضمون بیلن چیقیش اتدی.
اۇوغان اؤزبک شاهیری همایون خیری ماغتیم‌قولی پیراغی‌نینگ قۇشغیلاریندا پاراحاتچیلیق، سؤیگی و دوغانلیق
حاقیندا چیقیش اتدی.
اۇوغانیستانلی طالیپ محمدقاسیم عبادی دا "شاهیرلارینگ گؤزۆندن ماغتیم‌قولی پیراغی" ماضمونی بیلن
چیقیش اتدی.
اؤنگۆمیزدأکی گۆنلرده بۇلسا آنکارا بیلیم‌یوردوندا ماغتیم‌قولی پیراغی حاطیرالانار.
منبع: ت.ر.ت تورکمنچه
وبلاگ رسمی بنیادمختومقلی فراغی