تۆرکیه تۆرکمنلری‌نینگ اینگ اولی چادیری آنتالیادا دیکه‌دیلدی
آنتالیانینگ ماناوگات اترابیندا تۆرکیه تۆرکمنلری‌نینگ اینگ اولی چادیری دیکه‌دیلدی. تاشاغیل
(داشاغیل) اتراپچاسیندا دیکه‌دیلن ۱۸ متر بوی، ۷۵۰ اینه‌دؤردۆل متر یره ایه بۇلان بو چادیردا
تۆرکیه‌ده یاشایان چاروا تۆرکمنلرینگ طویلاری، بو تۆرکمنلرینگ اگین اِشیگی، تۆرکیه
تۆرکمنلری‌نینگ یاشاییش یری بۇلان تۇروس داغلاری‌نینگ ایمیتلری، طویلاردا اولانیلیان زاتلار،
یاییق چال اؤنۆمچیلیگی و تۆرکمن یأدیگأرلیک زاتلاری گلن توریستلره تانادیلار.
شیله‌لیک بیلن تۆرکیه‌ده یؤرۆک تۆرکمنلر دییپ آتلاندیرلان گؤچۆپ قونان تۆرکمنلرینگ مدنیت و
صونغاتی بو اولی چادیردا یرلی حالقا و داشاری یورتلی توریستلره تانادیلار.
دۆنیأ یؤرۆک تۆرکمن ایشه‌وۆر آداملاری قوراماسی اِلمیداما یؤرۆک تۆرکمنلرینی تانادیان
پروژه‌لره قۇلداو برجکدیگینی بیلدیردی.
قورامانینگ باشلیغی عثمان دمیراوغلی اؤزۆنینگ قاراحاجیلی یؤرۆک تۆرکمنلریندن
بولاندیغینی، قورامانینگ تۆرکمنیستان باشدا بۇلماق بیلن بۆتین اورتاآسیا یورتلاریندا
وکیلحاناسی باردیغینی نیغتادی.
دمیراوغلی آتالاری‌نینگ تۆرکمنیستان‌دان سریک اترابینا گلندیکلرینی بیلدیردی و تۆرکمن
چادیرینی توریسم مؤوسیمینده ۱۵۰۰ اوروپالی توریستینگ گزیپ گؤرِندیگینی آیتدی.
دۆنیأ یؤرۆک تۆرکمن ایشه‌وۆر آداملاری قوراماسی‌نینگ باشلیغی عثمان دمیراوغلی
قوراماسی‌نینگ آنتالیا بؤلگه‌سینده موندان باشغا دا تۆرکیه تۆرکمنلری‌نینگ چادیرلاری‌نینگ
دیکه‌دیلجکدیگینی و شیله ده عاصیرلیق یؤرۆک تۆرکمنلری‌نینگ مدنیتینی توریستلره
تاناتجاقدیقلارینی نیغتادی
منبع:ت.ر.ت تورکمنچه
وبلاگ رسمی بنیادمختومقلی فراغی