زندگي و زمانه ي شاعر سيدناظار سيدي تحقيق از:آنادردي عنصري بخش دوم
غايرات اديپ شيرين جاندان گچه لي
غيليچ دان غيرميزي غان لار سچه لي
دوشمان بيلن آراميزي آچالي
هممه شوُل ايقرارا غورولسين ايندي
بيريرده توپ بيله بايداق ديكيلسين
غُوشون ايكي ياندان صاپ –صاپ چكيلسين
كلله لر كسيلسين غانلاردؤكولسين
آرادا غورت اُويني غورولسين ايندي
اگر هركيم غوُرقي اتسه جانيندان
آيريلماسين عايالي نينگ يانيندان
ايل غاچسا آيريلار خانيما نيندان
دوُغري دوروپ غيليچ اورولسين ايندي
آغزي ميز بيراتسك توكل أرساري
دوشمان گچه بيلمز دريادان بأري
هرييگيدينگ سؤوش بُولسا هونأري
اؤنگوميزه ساليپ ،سورولسين ايندي
ياغي بولسا ساليرساريق –و- تكه
بيزموندا ايل بولماق اُوغشامازيكه
به يله اُوتورينچا پول چكه –چكه
بيرغيليجا ده ميز بريلسين ايندي
سيدي دييه رغايناپ داشيپ جُوش اديپ
بيربأش گون گزه لي كونگول خوش اديپ
چأرجو بگين ينگسك اوروپ اوشاديپ
ظاليم اهلي توكل غيريلسين ايندي
بارايلينگ
دوشمان گلدي لباپ بُويون اُوت ايلأپ
تورونگ بگ لر اول دؤووشه بارايلينگ
شاهي مردان مُرتضاني يات ايلاپ
بُولونگ بگ لر شُول سؤوشه بارايلينگ
أر ييگيت لر غازات گوني چيقاندا
دولدول بؤكوپ ،آسمان سايي باقاندا
چايلار دُولوپ غيرميزي غان آقاندا
أر دِي دوروپ شوُل سؤوشه بارايلينگ
گؤراُوغلي دان شوگون آليپ طيلسيمي
قورآن آچيپ گل ايچه يلينگ قاسامي
شوگون بُولسون ايسگندرينگ قيسيمي
أر دِي دوروپ شوُل سؤوشه بارايلينگ
آت ياراغينگ شاي اديلسين يُول اوچون
باغ دا بيلبيل دگره سينده گول اوچون
واطان اوچون آبراي اوچون ،ايل اوچون
أر دِي دوروپ شوُل سؤوشه بارايلينگ
شاهي مردان گليپ غُولدار بيزلري
قيرق اِرِن لريُولا سالدي سيزلري
غانا بُوياپ اوستي – باشي گوزلري
أر دِي دوروپ شوُل سؤوشه بارايلينگ
نصيب بودور : تيزجان آلماق بُورجونگ دير
بيلر بُولسانگ ،ماغشارگوني خارجينگ دير
توركمن ييگيت ميرحايداردا خيرچينگ دير
أردِي دوروپ شوُل سؤوشه بارايلينگ
سيدي آيدار گچسم شوگون جانيم دان
لباپ داشين بُوياپ غيزيل غانيم دان
نامارت ييگيت گيدسين منينگ يانيم دان
أر دِي دوروپ شوُل سؤوشه بارايلينگ
غالدينگ خُوش ايندي
گيدر بُولدوم ايندي اوشبو واطان دان
جبير گورن ايل لر،غالدينگ خُوش ايندي
هيچ اونوتمان جانيم چيقسا بوتن دن
سويجي سؤزلأن تيل لر،غالدينگ خُوش ايندي
كأتمن اوروپ ،اِلِم تارتيپ ،نان برديم
آرايُول دا جِپاچكيپ جان برديم
خيراجينگ سالغيدينگ اؤرأن كأن برديم
جپالي جا چيل لر،غالدينگ خوش ايندي
كؤنگنگوره لي حُوولا گلن ميخمان لار
آرا يُول دا كويدي جپالي جان لار
ايلي بيبات اتدي نيچه بي سان لار
آغزينگ آچيپ حوُولي لار،غالدينگ خوش ايندي
غاهرايله سم ايندي گلمزغاهار لار
نيچه يازلار گچدي نيچه باهار لار
آمي دان سوايچن ترچك ناهال لار
سن الوان لاپ غالاربُولدونگ خُوش ايندي
گيجه –گونديز دينمان چاپدي بنده لر
پارا آليپ ايلي بُوزدي گنده لر
بيبات يرده بيتن مايميق ايگده لر
سن اومورلأپ غالار بُولدونگ خُوش ايندي
ييگيت باري گؤچيپ گيتدي واطان دان
باريپ خابارآلغين يُولدان أوتن دن
جبيرگورديك ميرحايدار يريووتان دان
آغلاپ غاريپ ايل لرغالدينگ خُوش ايندي
چيقيپ گيده لينگ
ايل بيرليك اتمدي بيزه ييگيت لر
گلينگ بو واطان دان چيقيپ گيده لينگ
دوشمانينگ يانينا اؤرگه نن ايت لر
گيدمه سه بُوينونا قاقيپ گيده لينگ
سينديرمانگ لارغُوچاق لارينگ باديني
ييتيردينگيزأرساري نينگ آديني
ايندي مؤولام برسه ايلينگ داديني
«لا حُول- ا - بللاني» اوُقيپ گيده لينگ
بگ لرينگ يوزونه غاراچكيلدي
آنينگ اوچون آبراي يره دؤكيلدي
اوستوميزه اميرتوغي ديكيلدي
غُولدان گلسه اُوني ييقيپ گيده لينگ
گون- گون دن حاليميز بُولان ديرخاراپ
بيرنيچه خومسانينگ آغزيناغاراپ
سيدي دييه رخارام بُولدي بولباپ
بيريانا سيل كيمين آقيپ گيده لينگ
أرساري نينگ ييگيت لري
هريرده چُوخ آبراي تاپار
أرساري نينگ ييگيت لري
غانيم گؤرسه دُوغري دپه ر
أرساري نينگ ييگيت لري
هيچ زادا سالماز ناظارلار
دايما مستان گزر لر
هم اوُقورلار هم يازارلار
أرساري نينگ ييگيت لري
اُورتايرده تُوپ ديكرلر
ايكي يان دا صاپ چكرلر
كلله كسيپ غان دؤكرلر
أرساري نينگ ييگيت لري
ايكي يانا الِله شرلر
آلار آوون بلله شرلر
اوُلجاني خوپ تلله شرلر
أرساري نينگ ييگيت لري
سيدي دييه ربوجاهان دا
اؤزگه آرمان يُوق دورآندا
معتبر ديرسؤيون خان دا
أرساري نينگ ييگيت لري
اوستي بِدِوينگ
موننِده شاي بُولسا توكل اسبابي
تاغتي سليمان ديراوستي بدوينگ
جول ايله سنگ آتلاز بيله زربابي
شُوندا بي آرمان ديراوستي بِدِوينگ
دال بدو ييگيدي يه تير ميرادا
عاجاپ خُوش گوركزر ياقينا،يادا
بيلسه نگيز ياران لار اؤته ردونيأده
دؤولت لي دؤوران ديراوستي بدوينگ
بدو مونِن خاسسا بُولسا ساغ اُولور
چشمي خيرا آُولور، كِيپي چاغ اُولور
كؤنگلي خوپ آچيلان تازه باغ اُولور
عاجاپ گولوستان ديراوستي بدوينگ
بِدِو مونِن ، ده دييپ گيرراُويونا
اُوني گورن گؤزلر عاجاپ سؤيونه
بريپ آلسانگ يوزمونگ دويه –عُويونا
شوُندا دا آرزان ديراوستي بدوينگ
من ارر من بير بِدِوينگ شيداسي
دونياني ايلأرمن اوُنونگ پيداسي
بدوي مرت مونسه چُوخ دور پِيداسي
ناماردا زييان دير اوستي بدوينگ
عالمه دوُلوپدور بدوينگ آدي
آنگاهم ياراشار اتسه هر زادي
يؤريپ تانيماغا ياقيني – يادي
بيرتورپه سِيران دير اوستي بدوينگ
كيم مونسه مِيدان دا غانيما دپه ر
ايسته سه هريرده آووني تاپار
اوزاق يُولا اگرايِله سه ساپار
خوپ دارالامان ديراوستي بدوينگ
هرييگيد ينگ آصلي بُولسا زينا دان
اؤلينچأ اليني چكمز گونا دن
سيدي دييه رمانگا آتا- انه دن
عاجاپ مأهريبان ديراوستي بدوينگ
گل آرزي گول گؤروشه لي
غوربانينگ بُولايين غاچما
گِل آرزي گول گؤروشه لي
اويالسانگ يوزونگني آچما
گِل آرزي گول گؤروشه لي
منينگ بُوزوق كؤنگلوم ديندير
راقيپ لاربُوينوني سيندير
«بو» دييپ دورماق يامان قيندير
گِل آرزي گول گؤروشه لي
من عاشيقام گؤزوم ياشلي
سينام داغلي باغريم داشلي
غاراگؤزلي غالام غاشلي
گِل آرزي گول گؤروشه لي
هيجر اُودونا يانا- يانا
تاپماديم درديمه چأره
رحمينگ گلسين حاسسا جانا
گِل آرزي گول گؤروشه لي
بيگانه توتما اؤزينگني
بيزدن آييرما گؤزونگني
كأن آنگري سوُوما يوزونگني
گِل آرزي گول گؤروشه لي
عارضيم اِشيت گؤزل شاهيم
اُوت ساچار عالم گه اهيم
گچيرگيل بُولسا گوناهيم
گِل آرزي گول گؤروشه لي
آرزي گول چيقاراوچه گه
يالقيمي دوشه ركؤچه گه
ادا بيلن دوش آشاغا
گِل آرزي گول گؤروشه لي
عاشيق سيدي دييه راؤلديم
غام بيله سارالديم سُولديم
سندن مأهيرايستأپ گلديم
گِل آرزي گول گؤروشه لي
سروي نأزلي نينگ
آغا بگ لر غولاق سالينگ سؤزومه
تاريپيني ديسم سروي نأزلي نينگ
يالان بُولساغارا سورتونگ يوزومه
تاريپيني ديسم سروي نأزلي نينگ
تاي گلمز جاهانينگ حويري- غولماني
پِيدالي بُوردوُستونگ طوبي- رضواني
مونگ گلين يوزمونگ غييزبُولسا غورباني
تاريپيني ديسم سروي نأزلي نينگ
اؤليني ديريلدرشيرين سوزلري
باقاندا جان آلار جللاد گؤزلري
اوُن دؤرت گونونگ آيي آري يوزلري
تاريپيني ديسم سروي نأزلي نينگ
نازيك ليك ده غيل دان اينچه ديربيلي
سايراسا سِم بُولار باغ لانگ بيلبيلي
سؤزله سه شكردن شيرين ديرديلي
تاريپيني ديسم سروي نأزلي نينگ
گؤرن بنده بُولار غالام –غاشينا
دوري- گؤوهرصاداپ كيمين ديشينه
آلاياغليق آيلاميش ديرباشينا
تاريپيني ديسم سروي نأزلي نينگ
شوم پِلِك صابيري غاپلاپ دير سيزه
اُونونگ نصيبه سين چاتيپ دير بيزه
باسان يري دِگِر سان سيز مونگ غييزا
تاريپيني ديسم سروي نأزلي نينگ
سيدي دييه رهرگون يته رسالامي
جسميمه جان بره رشيرين كلامي
تااؤلينچأم بُولسام شوُنونگ غولامي
تاريپيني ديسم سروي نأزلي نينگ
أوزي گلين ينگ
آصلي بشر،حويري-غولمان صيپاتلي
منگزأر پريزادا أوزي گلين ينگ
تورپاخُوش غيليق لي يوزي اوياتلي
جانا ياقيملي دير سؤزي گلين ينگ
قيرق جووان كنيزدير اللي غييز نؤكه ر
هرگؤره ن گؤرمه ديك آرزووون چكه ر
گونده يوزمونگ عاشيق غانيني دؤكه ر
بي نوربات جللات ديرگؤزي گلين ينگ
گوزه ل كؤپ ديراوشبو پاني جاهان دا
بيرسن دن اؤزگه سي هيچ يُوق دور سان دا
رحم اديپ خيلوات دا دوشان زامان دا
گولدورِر نأزلري بيزي گلين ينگ
اينانمانگ لارشوم پلگينك آلينا
شيرين جاني تابشيرارمن غُولينا
دِگِر يوزمونگ غيزا يوزمونگ گلينه
ايبا بيلن باسان ايزي گلين ينگ
گِلين لر
غارري ديپ گولوشمأنگ منينگ حاليما
غاهريم گليپ خاپا بُولدوم گلين لر
ييگيت من دييه رم أوز خيياليما
آنينگ اوچين موندا گلديم گلين لر
منهم باشدا اُوغلان ايديم ياش ايديم
ييگيت بُولوپ ييگيت لره باش ايديم
هألي مونچاعؤمورتاپديم ياشاديم
چُوخلارينگ دُوغاسين آلديم گلين لر
چكه- چكه عيشقينگ دردي – داغيني
أوتورميشه م ييگيت ليگينگ چاغيني
سيزلرگؤروپ ساقغاليمينگ آغيني
گولوشرسيز آني بيلديم گلين لر
سونگنگوم آغيردگيل قادديم خام دِگيل
ساقغاليم آغيندان مانگا غام دِگيل
كؤنگلوم هنيز هيچ ييگيت دن كم دِگيل
هركيم بيله اُويناپ گولديم گلين لر
اؤزوم اولپت ياقين بيله يات بيله
ذوُوقيم كؤپ ديرنيرده ياغشي زات بيله
داييم ياغشي گزيپ ياغشي آت بيله
بوكوللي جاهانا دُولديم گلين لر
دونيانينگ كؤپ ذوُوقي –صاپاسين سوروپ
اُوتورميشام دورلي مجليس لرغوروپ
امما نيچه گوزه ل جپاسين گؤروپ
غام بيله ساراليپ سوُلديم گلين لر
سييدي سيزلره ماييل ديرايندي
بيرغُوجا عاشيق دير ساييل دير ايندي
هرنيچيك اتسه نگيز قاييل ديرايندي
سيزبيلينگ عيشقا يُول سالديم گلين لر
سوزانلي سيدي
« موشح »
عشاق ارا چوخ درد پنهانلي سيدي دير
جان ودلي آتش سوزانلي سيدي دير
بيريار موافقني دهر ايچره گزيپ تاپماي
حسرت بيلن اول وجه دن آرمانلي سيدي دير
ديرلر سني بيرگل دير گلزار ملاحت دا
اول شوق ايله بلبل دك افغانلي سيدي دير
رخشين اگر سورسنگ ميدان لباب ايچره
آلنينگدا بولوپ هرسو جولانلي سيدي دير
مجنون كيبي عشق ايله اوضاعي زبون اولغان
هجران چولينده چشمي فغانلي سيدي دير
آشفته بولوپ حالي دوران ايليدن آنجق
بيرگوشه ده خوب بيت الاحزانلي سيدي دير
نازينگي چكن لردن ذوقينگ اشيديپ نازينگ
عيش وطربي يوزمونگ الوانلي سيدي دير
خونابه يودوب آنجق بيرگلرخ اوچين دايم
آغلاب ايكي چشمي خون افشانلي سيدي دير
اثناي تولد ده مي بيرله سرشت اولغان
بير رند خراباتلي اركانلي سيدي دير
نازايله ديسنگ : كيمدير يازغان موشحني
شعراي زمانه چوخ دستانلي سيدي دير
نصيب
چون ازل دن بيزگه بُولغان دردي- هيجران دير نصيب
دايماچكمك جاهان دا جبري - خوبان دير نصيب
بزم اديپ خيلوات توتوپ عايشي –پاراخات ايله بان
اؤزگه لر گلگون شراب ايچسه مانگا غان دير نصيب
غايري عاشيق ياركؤيون ده هر زامان ايلأر طوواف
بيزگه مجنون دك ميدام سيري- بيابان ديرنصيب
دهربازاريناگيرديم ايله بأن اُميّدِ نفع
بُولمايين بير زرّه نفعيم عُصري –نقصان دير نصيب
شوخي –گلرخ لاراوچين پيوسته هرشام وسحر
بيلبيلي –شيداكيبي بيزگه چُوخ افغان دير نصيب
اي سييدي سن پنا بُولسانگ اؤزونگ هيجران ارا
انشاءالله اُوندا باقي واصلي –هيجران دير نصيب
ماهي –روخساريم منينگ
منتظرديردايم ايكي چشمي- خونباريم منينگ
بيرناظارقيلغاي مي دييپ سن ماهي- روخساريم منينگ
هيجراليندن چُوخ دورور جانيم دا آزاريم منينگ
گيجه – گونديز آغلاماق دان اؤزگه يُوق كأريم منينگ
بارميش اوزيُِوليغا كوللي ناميس- و- عاريم منينگ
بيرگولوپ اُولتورغانينگ بيلديم دِگِر يوزمونگ گوله
گرتكلم ايله سنگ منگزأر اُووازينگ بيلبيله
كأكيلينگ بُوستان- عارِض دا ميناسيپ سونبوله
حوسني – خوبينگ لشگري جان ايچره سالميش غولغولا
ساكن ارمس ديراُونونگ چون نالايي- زاريم منينگ
منده عيشق بارين كيشي آشفته حاليم دان بيلر
دردي مينگ بارين داغي بوچشمي – نالام دان بيلر
غام يوكون كؤپ چكديگيم ني قاددي – داليم دان بيلر
باغري مينگ غان اُولدوغون هم اشكي – آليم دان بيلر
بوصيپات بيرله بارا باردير يُوق – و- باريم منينگ
سن گول اِرسنگ من سنينگ شوُوقينگ دا بيلبيل بُولاي
گيجه- گونديزآستانينگ ياستانيپ من كول بُولاي
اگرغالسانگ زميستان دا من اوستونگه جول بُولاي
عيشق بازارينا ساليپ ساتسانگ آنجاق غول بُولاي
بُولسا گر آلماق اوچين شيرين خريداريم منينگ
سيدي دييه ربارالها جسميمه جان ايسته من
درديمه واصلينگ دان اؤزگه بيرجه درمان ايسته من
بُولسا دوردأنه ديشينگ هيچ گووهر- ي – كأن ايسته من
لبلرينگ گؤرگنده من لعل – بدخشان ايسته من
سن گِرِك يُوق اوزگه سي بيرپولغا دركاريم منينگ
وبلاگ رسمی بنیادمختومقلی فراغی