تأجیگیستاندا دۆنیأنینگ اینگ اولی بایراق دینگیندن سونگ، اورتا آسیانینگ اینگ اولی متجیدی قورلار.

یوردونگ جمهورباشلیغی امامعلی رحمان دوشنبه شهرینده اورتاآسیانینگ اینگ اولی متجیی آیراتینلیغینا ایه بولان متجیدینگ قورلوشیغینا بادالغا بردی. جِمی ۷.۵ هکتارلیق میداندا قورولجاق و حوُولوسی بیلن بیرلیکده شول بیر واغتدا ۱۱۵ مۆنگ آدامینگ ناماز اوقاماغینا مۆمکینچیلیک دؤره‌تجِک متجیدینگ قیمماتی‌‌نینگ ۱۰۰ میلیون دلارا بارابار بولماغینا قاراشیلیار.

متجیدینگ قورلوشیغی اۆچین قطر ۷۰ میلیون دلار برر. متجیدینگ ۴ ییلدا تاماملانماغینا قاراشیلیار. تأجیگیستان قاراشسیزلیغی‌‌نینگ ۲۰ ییللیغی میناسیبتلی گچیریلیأن دابارالارینگ اؤنگی‌سیراسیندا قیمماتی ۵ میلیون دلارا بارابار بولان و ۱۶۵ متر بِلنتلیگیندأکی دۆنیأنینگ اینگ اوزین بایداق دینگینی و ۹-نجی سنتیابردا ۳ مۆنگدن قووراق آدام تاراپیندان گؤتِرله‌ن، اوزینلیغی ۲۰۱۱ متر، اینی ۷ متر بولان بایداغی بیلن گینس رکوردلار کیتابینا گیرمه‌گی باشاریپدی.

منبع: ت.ر.ت تورکمنچه