اووغانیستان تۆرکمنلری‌‌نینگ بییک یازیجی و عاقیلدارلاریندان بولان عبدالمجید توران آرادان چیقدی.

ادبی-مدنی یاشاییشیندا اؤزۆندن تۆرکمن دیلینده ۲۰-دن قووراق کیتاب یأدیگار قویان مرحوم تورانینگ شکر کِسِلیندن (مرض قند) وپات ادندیگی بیلدیریلدی.

۵۱ یاشیندا آیریلان عبدالمجید توران یوقاری اقووونی کابل بیلیم یوردونینگ ژورنالسم فاکولته‌سینده قوتاردیغیندان سونگ نأچه ییل‌دا اووغانیستان رادیو و تلویزیون قوراماسی‌‌نینگ تۆرکمنچه بؤلۆمی‌‌نینگ مۆدۆری بولدی.

اووغانیستان تۆرکمنلری‌‌نینگ درگیسی بولان گۆنش درگیسی‌‌نینگ جوغاپکأری بولان توران سونگ ییلاردا دا اووغانیستانلی تۆرکمنلر اۆچین یازیلان تۆرکمن کیتاپلاردا اساسی اورون ایه‌له‌یأردی. عبدالمجید توران، قیزیل گۆل، ابراهین ادهم دستانی، دؤولت مأمد بال‌قیزیلینگ دیوانی، کؤنگۆل سؤزی، محمد بایرام حان، تۆرکمن حالقی‌‌نینگ بییک شحصیت و شاهیری یالی انچمه کیتابی تۆرکمن مدنیتینه میراث قویوپدی.

اووغانیستان ایسلام جمهوریتی‌‌نینگ جمهورباشلیغی حامد کرزی‌ده تۆرکمنلرینگ تانیمال یازیجیسی مجید تورانینگ آرادان آیریلماغی سبأپلی بیر قینانچ حاطی چاپ اتدی.

مرحومونگ یاتان یری یاغتی بولسون.

منبع: ت.ر.ت تورکمنچه