از حکمت های خواجه احمد یسوی
مناجات ایلادی مسکین خواجه احمد اشیتگانلار یاغار باران رحمت
باشیدین گیتما سون هم تاج و دولت خدا قیلغای انی جاینی جنٌت
رسول الله سو ز ی ا و لا د ا حمد اشیتگان گورمکای دنیاده محنت
اگر بولسه میسٌر کیمگه حکمــت انی قیلغای رسول الله شفاعت
منینگ حکمت لاریم کیم قیلسه عزت خلایق لار قیلور دنیاده رحمت
منینگ حکمت لاریم نی کیم اوقیسه اشیتگان بنده گر گوز یاشی قیلسه
قیامت گون انگا هادی بولور من اگر دردلیک ایرور درمان بولور من
منینگ حکمت لاریم دردلیک اشیتسون اشیتگانلار بری مقصدغه یتسون
منینگ حکمت لاریم دردلیک گه دارو چیقارسا کونگلیدن هر لحظه یاهو
اگر یو ز یل عمر کورسه قرٌیماس اولوب بارسه لحد ایچره چورماس
انینگ هرگز قیزل یوزی سولونماس بو شیطان دامیغه هرگز آلینماس
منینگ حکمت لاریم عالمغه داستان رحم کیلسه بولور صحبت گلستان
منینگ حکمت لاریم شوقی پر زور اشیتگان بولمغای دنیاده رنجور
منینگ حکمت لاریم عالمغه تولغان انی هر کیم اوقو سه قیلغای افغان
اولوب بارسه لحد ایچره بیک بار که گویا کورمکای بیر ذره دشوار
لحد ایچره انی سورماس سوالی کیم اول یاتغای خطرسیزماه سالی
اشیتگان حکمتیم ایها الناس بو لو ر فر ز ندیم و طالب خاص
اشیتیب قولاقینه هر کیم آلسه اولار وقتی یتیشسه اول کمرسه
عطا قیلغای انگا حق نور ایمان هم عزراییل آلا جاننی آسان
یسوی سوزلاری طالب اشیتسین اگر طالب ایرور دفترغه بتسون
توضیح: اشعار فوق از کتاب : خواجه احمد یسوی حکمت لری تصحیح دکتر آتا گلدی اوزوف ، چاپ ۱۹۹۲ نقل گردید.
وبلاگ رسمی بنیادمختومقلی فراغی