بنیاد مختومقلی فراغی

بسم­الله الرّحمن الرّحيم  

عبدالقهار صوفي راد

ماغتئمغولئ ديوانئندان بير غوُشغئ نئنگ بيانئ:

1.             عألِم صونغونگا مؤوجود،

2.             وجودا گلن اِشيا ،

3.             اِشيا حمدينگه ذاکير،

4.             ذيکرينگ تيل لرده پيدا .*

5.             اوُووالئنگا يوُق غايات ،

6.             آخئرئنگ بي ناهايات ،

7.             بو وارلئغا کفايات ،

8.             امرينگ بيله دير برپا .*

9.             شرغئنگ جاهانا شايئغ

10.        حؤکموًنگ عألمه نافئغ،

11.        امرينگه يوُقدور مانئغ،

12.        «ارض-و-سما مافيها» .*

13.        بو زشت، زيور-و-زيپ

14.        »شاهدِ عالمِ غيب»

15.        صونغونگ-له بوُلدئ لاريپ

16.        «ذوالسّفلي و العليا» .*

17.        گردانا گليپ گردون

18.        يؤرور مئدام سرنِگون

19.        «کُلِّ اشيا» اولوپ مجنون

20.        ووصالئنگ ذوُوقئ ليلا .*

21.        من عاجئز، نفس-ی-بد-له

22.        موًلؤووِث من يوًز قاتل-ا

23.        هر ايسمينگ بير صئپات-لا

24.        هر طالئپغا تجللا .*

25.        ماغتئم­غولئ من ماغموم

26.        هوُوا اوًزره نبسيم شوم

27.        رَه ماندا بوُلوپ ماحروم

28.        غالدئم-لا من واوِيلا .*

       *** ***

دوًشوًنديريش :

بوغوُشغئ توًرکمن ادبيياتئ نئنگ غادئمئ «غوُشوق» فوُرماسئندا غوُشولئپدئر. ايلکينجي بنت پارس ادبيياتئنداقئ « دوبيتي» فوُرما منگزأپ، سوُنگراقئ بنت لر شول ادبيياتداقئ « مسمّطِ مربّع » غالئبئ بيلن کشپدش . باشلانغئچ بنتدن سونگراقئ هر بندينگ؛ هر اوًچ سطيري­نينگ بيله­له­يين  قاپئياسي بوُلوپ ، دؤردوًنجي سطيرلرينگ هم، کوًلليمه بندلري بير-بيرينه باغلاندئريان قاپئياسئ بوُليار. بو غوُشغودا « رديف » اولانئلماندئر وه غوشغئ بنت لري قاپئيا بيلن جِم لنيأر .

غوُشغئ اؤلچِگي: 7 هجالئ ( 4+3 )

1. عألم(عربي:عالَم): جاهان ، کوًلليمه دوًنيا . / صونغ(عربي:صنع): يارادئش ، دؤره ديش ، ياغشئ لئق . / مؤوجود(عربي:موجود): يارادئلان، دؤره ديلن ، بارا گلن .

2. اشيا(عربي:اشياء): ذات لار . سطير مانئ سئ : بو يارادئلئشا سزه وار بوُلان لارئنگ بارئ دينگه بير، اشيادئر وه اوُلار اؤز-اؤزوًندن دؤرأپ بيلجک زات لار دألديرلر .

3. حمد(عربي): شوًکوًر . / ذاکير(عربي:ذاکر): ياد اديجي ، يادئنا گتيريأن ، تانگرئنئ يادلايان، تانگرئ يادئندا بوُليان .

4. ذيکير(عربي: ذکر): يادلاماق ، دوُغا ، ناماز . / تيل : ديل ، آدامئنگ گپله ييش آغضاسئ .

5. اوُووال(عربي: اوّل): هرزادئنگ گؤزباشئ، اؤنگي، اؤزه ني ، باشلانغئچ. / غايات(عربي: غايت): سوُنگ .

6. بي ناهايات(عربي: بي نهايت): سوُنگسوز .

7. وارلئق : بارلئق ، غورپ ، بوُلوش. / کفايات: يترليک لي، يترلي بوُلماق .

8. اِمير(عربي: اَمر): بويروق . / برپا (فارسي): ديکيلن ، اوُتوردئلان ، آياق اوًستوًنه غالدئرئلان ، آياق اوًسته دوران.

بنت مانئ سئ : سن اؤنگي-آردئ بيلينمز بييک سينگ وه بو جاهانئنگ بارلئغئنا سنينگ بويروغئنگ يترليکدير .

9. شرغ(عربي: شرع): دين، قادا-قانون لارئنئ اؤز ايچينه آليان يؤرلگه . دين اوغرئ ، آللا يوُلئ . / شايئغ(عربي:شايع): ايله بللي، أشگأر ، جاي .

10.                     حؤکوًم(عربي:حکم): بويروق. / عألم(عربي:عالَم): جاهان. / نافئغ(عربي:نافع): پِيدالئ، نپ يتيريجي. 

11.                    مانئغ(عربي:مانع): بؤوِت.

12.                    ارض وسماء مافيها(عربي): ير هم-ده گؤک وه اوُلارداقئ بارزات لار.

13.                    زشت(فارسي): يامان ، اربت، پيس، گلشيکسيز. / زيور(فارسي): بِزِِگ. / زيپ(فارسي:زيب):بِزِگ .

14.                     شاهد(عربي):پارس ادبيياتئندا ،« سؤيگوًلي » ، «ماغشوق» مانئدا گليپدير. بو يرده «گوًوأ»، «شايآد» بوُلماغئ آخمال.  / «شاهد عالم غيب»(عربي):غيپ عألميندن،متافيزيکدن باحابار.

15.                     صونغ(عربي:صنع):يارادئش / لاريب(عربي):شکسيز ، گومانسئز.

16.                    «ذوالسّفلي والعليا»: ذو(عربي):اِيه. / سفلي(عربي)پس،آشاق،اِتِک . / عليا(عربي):بلنت،يوُقارئ،بييک­ليک. /

بنت مانئ­سئ :غيپ عألمي نينگ سؤيگوًلي سی بوُلماغئ باشاران ، بو گلشيکسيز، اِربِت ليگه اِيه آدامزات، شکسيز سنينگ(تانگرئ)يارادئش گوًيجوًنگ بيله آشاقدا، يوُقارئدا_يرده، گؤکده بارزادا يتيک وه اِيه بوُلدئ .

17.                    گردان(فارسي):آيلانئپ دوران. / گردون(فارسي):بويرده پلک ، گؤک ، آسمان.

18.                    يؤرور: يؤرير. / سرنگون(فارسي):دوًنگدرلن، باش آشاق .

19.                    «کلّ اشياء»(عربي):هممه زات لار. / اوُلوپ: بوُلوپ. / مجنون(عربي):دألي، ليلي غئزئنگ سؤيگوًسي بيلن ياشان قيس آدلئ بللي عاراپ شاخئرئ نئنگ لاقامئ.

20.                    ووصال(عربي:وصال):غوُووشماق. / ذوُوق(عربي:ذوق):خوشلوق. / ليلي(عربي):شراپ مس ليگيندن ايلکينجي دؤره يأن ياغداي، مجنونئنگ ماغشوغئ نئنگ آدئ . سطيرمانئسئ: ووصالئنگدا ليلأ غوُووشانچا خوُشلوق بار .

21.                    عاجئز(عربي:عاجز):گوًيچسيز،ناتووان. / نفس(عربي):نبيس . / بد(فارسي):اربت، يامان،پيس. / نفسِ بد-له : بو يامان نبيس بيله.

22.                    موًلؤووِث(عربي:ملوّث):غارالئ، اربت ليگه بوُيالان / قاتئل(عربي:قتل):اؤلدوًرمک.

23.                    ايسيم(عربي:اسم):آد. / صئپات(عربي:صفت):بيري نينگ يا-دا بيرزادئنگ ياغدايئنئ، نننگسي ليگيني آچئقلايان سؤز.

24.                    طالئپ(عربي:طالب):گؤزلگچي، ايسلگچي، هؤوِسجنگ. / تجللا(عربي:تجلّا): أشگأرليک، گؤروًنمک، گؤزه گلمک ، گؤچمه مانئدا،آللانئنگ نورئ نئنگ عارئپ کؤنگلوًنده يرلشمِگي.

25.                    ماغموم(عربي:مغموم):غام لئ، توقات .

26.                    هوُوا(عربي:هوي):هاي-هؤوأس، نبسينگ اوغرئ. / اوزره: کؤمکچي آد حؤکموًنده اولانئليان سؤز. / نبيس(عربي:نفس):آدامئنگ اؤزي ،جانئ،تني، هرزادئنگ حاقئقاتئ ، بو يرده«نفس امّاره» / شوم: اربت، غاراجئلاو، يسر. / «نفسِ امّاره: آدامزادئ هاي-هؤوأسه،اربت غئلئق لارا اوروقدئريان شيطانلئق نبيس» .

27.                    ره ماندا(فارسي):يوُل ييتيرِن،يوُلدا غالان، ايشي اوغروقمادئق . / ماحروم(عربي:محروم): پاي سئز، ناموت ، بير زادا اِرکي،ائغتئيارئ،حوقوغئ بوُلمادئق .

28.                    واويلا(عربي): اؤکوًنجي،غئنانجئ مأليم اِديأن سؤز .

عبدالقهار صوفي راد