تۆرکمنیستا‌نینگ تۆرکیه جمهوریتیندأکی ایلچیحاناسی‌نینگ تۆرکمنیستا‌نینگ قاراشسیزلیغی‌نینگ شانلی ۲۰ ییللیغی میناسیبت‌لی ۲۰۱۱-نجی ییلدا گچیرمگی میللشدیریأن مدنی-قومانیتار چأره‌لری‌نینگ چأگینده ۲۰۱۱-نجی ییلینگ ۱۱-نجی ماییندا تۆرکیه جمهوریتی‌نینگ یوزگات ولایاتی‌نینگ بوزاوُق بیلیم یوردوندا "تۆرکمنینگ بییک آقیلداری ماغتیم‌قولی پیراغی" آتلی کنفرانس گچیریلدی.

۲۰۱۱-نجی ییلینگ ۱۱-نجی ماییندا گچیریلن چأره یوزگات شهری‌نینگ مرکزینده چاپان اوغلو سیلگأهینده ۲۰۱۰-نجی ییلینگ اوکتیابر آییندا آچیلان ماغتیم‌قولی پیراغی‌نینگ هیکلینه گۆل دسسه‌لری‌نینگ قویولماغی بیلن باشلاندی. دابارا یوزگات ولایات حأکیمی نجاتی شأن‌تۆرک، یوزگات شهر هأکیمی یوسف باش‌أر، بوز اوق بیلیم یوردونینگ باشلیغی پروفسور اینجی وارینلی، ایلچیحانا‌نینگ ایشگأرلری، کؤپ سانلی عالیم‌لار، طالیپلار، حابار بریش سریشده‌لری‌نینگ وکیللری قاتناشدی‌لار.

سونگرا بایرامچیلیق چأره‌سی بوز اوق بیلیم یوردونینگ تاقیق-ادبیات فاکولته‌سی‌نینگ مجلیسلر زالیندا "تۆرکمنینگ بییک آقیلداری ماغتیم‌قولی پیراغی" آتلی کنفرانس بیلن دووام اتدی. کنفرانس تۆرکمنیستا‌نینگ و تۆرکیه جمهوریتی‌نینگ میللی ثنالاری‌نینگ یانقلانماغی بیلن آچیلدی.

کنفرانسدا چیقیش ادن یولباشچیلار اونونگ عالی‌حضرتلری تۆرکمنیستا‌نینگ پرزیدنتی قوربان‌قولی بردی محمدوفینگ و تۆرکیه جمهوریتی‌نینگ پرزیدنتی عبدالله گۆلینگ آلیپ باریان پاراحاتچیلیغی سؤیۆجیلیک سیاساتلاری، دوستلوقلی قاتناشیقلاری نتیجه‌سینده دؤولتلریمیزینگ آراسینداقی قاتناشیقلارینگ حاص دا چونقلاشیاندیگینی بللأپ گچدیلر.

کنفرانسدا تۆرکمنینگ بییک آقیلداری ماغتیم‌قولی پیراغینی تانادیان فیلیم گؤرکزیلدی.

سونگرا کنفرانسدا تۆرکیه جمهوریتی‌نینگ آنکارا بیلیم یوردونینگ دیل و تاریح-جغرافیا فاکولته‌سی‌نینگ استادی دکتر بردی ساری، غازی بیلیم یوردونینگ ادبییات فاکولته‌سی‌نینگ استادی سیت ناظار أرناظارووینگ بیک آقیلداریمیز ماغتیم‌قولی پراغی‌نینگ عؤمری و دؤردیجی‌لیگی بارادا چیقیشلاری بیلن دووام اتدی.

کنفرانسینگ سونگوندا اونی گچیرمکلیگه قوشانت قوشان عالیملارا، بوزاوق بیلیم یوردونینگ یولباشچیلارینا ایلچیحانا‌نینگ یادیگأرلیک سووغاتلاری قووشوریلدی.

بایرامچیلیق چأره‌لری ۲۰۱۱-نجی ییلینگ ۱۸-نجی ماییندا کایسری شأهریندأکی أرجیه‌س (ارجیس) بیلیم یوردوندا گچیریلجک "تۆرکمنینگ بییک آقیلداری ماغتیم‌قولی پیراغی" آتلی کنفرانس و بایرامچیلیق داباراسی بیلن دووام ادر.

منبع: ت.ر.ت تورکمنچه