اهل سنّتينگ قرآن اوقاما ياريشلاري پلاني‌نينگ يرينه يتيريجي جوغابكأري، اسفند آيي‌نينگ آخرقي گونلرينده برن بیاناتیندا: «كلام‌الله‌نينگ كۆردچه ترجمه‌سي بير نأچه ييل موندان اوزال قوتاريپ، ايله تاناديلدي. بو مقدس كتابي اهل‌سنّتينگ باشغا ديللرينه، شول ساندا تۆركمنچأ ترجمه اتمك ايشينه آرقا چيقياريس» دييپ ايغلان اتدي.

رحيم ليالي، گلستان ولايتي‌نينگ اهل‌سنّت طاليبلاري‌نينگ قرآني ياددان و يوزوندن اوقاما ياريشلاري‌نينگ آق‌قالادا گچيريلن ايكينجي دوورينده: «بو ياريشلار ايكي دورده، ۱۲ سنّي اوتوريملي ولايتدا گچيريليأر و بوتين اولكه ايچيندأكي قوتاريجي ياريش، شعباندا (مرِد آيي) تهراندا گچيريلجكدير» دييپ بلله‌دي. گلستان ولايتيندان اوچ قاري سايلانيپ، بوتين يورت‌ايچي ياريشلارينا قاتناشيار.

قرآن كتابي تۆركمنيستاندا «احمد ملا» آرقالي آچيقلاما متنلي شكلده تۆركمن ديلينه ترجمه اديليپ، كريل يازووي بيلن ايكي جلدده چاپا يتيريلندير. ايراندا بولسا «حاجي آخوند عابدي كؤر» آرقالي تفسير شكلينده تۆركمن ديلينه گچيريلدي و عرب اليپ‌بيي بيلن دؤرت جلدده چاپا قاوشيريلدي. اوندان باشغا ترجمه‌لر –ده بار.

منبع: ت.ر.ت تورکمنچه